近排沉睡森林又熱鬧番﹐好多人又喺度講緊港女&港男。一時又話港男唔掂﹐一時又話港女有懶音。一點紅靈機一觸﹐心諗懶音呢家嘢都好多人講喎。家陣好多人話港女有懶音﹐叫港女改吓。咁我又諗﹐會唔會有港女講得一口字正腔圓嘅廣東話﹐又話想學吓懶音咁呢﹖

經過一點紅詳細嘅分析﹐原來學懶音都係有捷徑架喎﹗只要跟住以下嘅方法練習﹐好快你就會學到一口標準流利嘅港女懶音架喇﹗

Rule 1 – ang 變 an

廣東話中有好多韻母係”ang” 嘅字﹐只要將“ang” 夾硬讀做 “an” ﹐就可以學到好多懶音架喇﹗

例子﹕
崩 -> 賓  bang -> ban
曾 -> 真  jang -> jan
等 -> 躉  dang -> dan
耿 -> 緊  gang -> gan
恆 -> 痕  hang -> han
肯 -> 很  hang -> han
杏 -> 恨  hang -> han
朋 -> 貧  pang -> pan
生 -> 新  sang -> san
冷 -> 懶  laang -> laan
猛 -> 晚  maang -> maan

Rule 2 – k 變 t

例子﹕
角 -> 割  gok -> got
殼 -> 喝  hok -> hot
塞 -> 失  sak -> sat
黑 -> 乞  hak -> hat
策 -> 刷  chak -> chat

Rule 3 – n 變 l

除咗韻母之外﹐聲母都有好多懶音架﹐只要我哋將 “n” 字頭嘅字讀成 “l”字﹐即刻可以有勁多懶音﹗

男 -> 藍  nam -> lam
女 -> 鋁  nui -> lui
腦 -> 老  no -> lo
難 -> 蘭  nan -> lan
年 -> 蓮  nin -> lin
尼 -> 梨  nei -> lei
諾 -> 樂  nok -> lok
囊 -> 狼  nong -> long
納 -> 立  nap -> lap
諾 -> 樂  nok -> lok
你 -> 李  nei -> lei

Rule 4 – gw 變 g

國 -> 角  gwok -> gok
過 -> 個  gwoh -> goh
光 -> 江  gwong -> gong
廣 -> 講  gwong -> gong

Rule 5 – kw 變 k

擴 -> 抗  kwong -> kong
光 -> 江  gwong -> gong
光 -> 江  gwong -> gong

Rule 6 – 省略n

愛 -> 外  ngoi -> oi
我 -> 柯  ngoh -> oh

只要你熟讀以上嘅 Rule﹐就可以學識港女嘅語言。如果你係港男又想溝港女﹐就快快手學番兩句增加親切感喇﹗

By 一點紅@沉睡森林

港男﹐一個令港女又愛又恨的稱號。愛者﹐是因為作為一位女性(當然包括港女) ﹐始終渴望有個好歸宿。而香港大部份年青一批男性﹐均符合港男的定義﹐因此雖然港男有百般缺陷﹐仍然是港女的Natural Choice。恨者﹐港男一無是處﹐揀唔落手。就算勉強虛委以待﹐港男卻喜歡波大無腦﹐白白滑滑的大陸妹﹐對『三高』(高學歷、高收入、高地位)的港女不屑一顧。加上香港男女比例嚴重失調﹐而且急劇惡化﹐港女的下場﹐似乎必定坎苛。作為港女﹐又可以如何自處﹖瑪莎拉蒂在此斗膽給港女三個錦囊﹐希望可以幫上一些忙。

田忌賽馬之策

《原文》
昔戰國時，齊田忌數與齊諸公子馳逐重射。孫臏見其馬足不甚相遠，馬有上、中、下輩。於是臏謂忌曰：「君第重射，臣能令君勝。」忌信然之，與王及諸公子逐射千金。及臨質，臏曰：「今以君之下駟與彼上駟，取君上駟與彼中駟，取君中駟與彼下駟。」既馳三輩畢，而田忌一不勝而再勝，卒得王千金。

《語譯參考》
齊國田忌屢次跟齊國貴族子弟賽馬，那些馬可分為上、中、下三等﹐由於齊威王每個等級的馬都比田忌的馬強，所以比賽了幾次，田忌都失敗了。。田忌的軍師孫臏發現馬的腳力都差不多，於是對田忌說：「你儘管下大賭注，我能讓你獲勝。」田忌聽信孫臏的話，跟齊王和貴族子弟們比賽下了千金的賭注。

到臨場比賽，孫臏對田忌說：「現在用您的下等馬對付他們的上等馬，拿您的上等馬對付他們的中等馬，讓您的中等馬對付他們的下等馬。」等到三場比賽完了，田忌輸了一場而贏兩場，終於贏得了齊王千金賭注。《語譯參考-完》

由於大部份港女30歲前均不會主動力追心儀對象﹐要拍拖是很被動的。如果30歲後還未有著落﹐開始便會硬著頭皮叫朋友介紹男仔認識。幸運的話﹐也可以搭上尾班車﹐揀番個老公。不幸的話﹐轉眼又幾年﹐34-35歲還未有人吼﹐很多港女唯有把心一橫﹐豁出去參加那些Table for 6, Speed Dating派對。可是當她們去到Speed Dating現場時﹐卻發現所有的其它女參加者也和自己條件差不多﹐自己絲毫沒有優勢。自己看上的男士卻沒有選自己﹐結果﹐還是沒有結果。

瑪莎拉蒂有一位女性朋友﹐深諳田忌賽馬之奧義﹐以上等馬對付人家的中等馬。她本身條件不差﹐屬『三高』港女﹐28歲時跟拍了多年拖的男友分手後便一直單身。30歲左右便毅然放下身段﹐參加Speed Dating。由於參加Speed Dating的多數是34歲以上條件普通的女士﹐她立即便成為全場的焦點﹐可以於全場男士中慢慢揀。結果揀了一位專業人士﹐去年還結了婚。

希望這個真實故事能給港女們一些啟示。既然明知自己的條件每況愈下﹐便應該趁自己還有條件(即是還年輕) 時﹐早早參加Speed Dating﹐這樣起碼能在云云參賽者中脫穎而出。你有聽說過35歲才參加選美嗎﹖與其要去和人爭﹐當然趁自己還有條件時去爭﹗

巧取豪奪之策

這個世界裡好條件的男人絕大部份已經有女朋友。但請勿灰心﹐因為好條件的男人﹐所選的女朋友不一定也是好條件的。尤其是那些拍了5年拖以上﹐雙方感情已經轉淡的情侶﹐最容易乘虛而入。人不為己﹐天誅地滅。要嫁得好﹐便要放下道德觀念。你不願意介入當第三者﹐大把人願意﹐結果最後嫁杏無期的還不是自己﹖

所以條件好的港女﹐不妨留意一下身邊是否有條件好的男人﹗有的話﹐便狠起心腸把他爭過來吧﹗幸福﹐從來都不是從天而降的﹗

人棄我取之策

唔好鬧住﹗人棄我取並不是說要你去選擇籮底橙港男﹐而是要你做一些其它港女不會做的事 - 嫁大陸男。繼續唔好鬧住﹗瑪莎拉蒂當然知道99.99%的大陸男都是人型鬼貌﹐甩皮甩骨﹐一身臭味的賤種。但是請大家把重點放在另外0.01%的大陸人身上。這班星級大陸人(我稱之為 Elite Group)﹐留學外國﹐有家底﹐有背境﹐有錢﹐有關係﹐以條件來看﹐是超班的。唯一的缺點就是他們生於大陸。但是﹐你猜這班Elite Group最喜歡什麼女性﹖Bingo﹗港女是也﹗

根據大公報2009年9月14日的報導﹕有專門撮合深港姻緣的婚介所表示，近年在他們婚介所登記的港女增長5倍，尤其是08年以來，年輕漂亮或者事業有成的女性比例增加1到2成。內地熱門交友網站所錄得的香港女性登記徵友個案在過去5年間更大幅飆升70倍，其中大學學歷以上佔逾半，「三高」港女北上徵婚成風。內地從商的男士對這類港女也青睞有加。「港商在內地投資可以有一定優惠，有些男士覺得找個港籍女士對生意有好處……不少男士聽說對方是香港女士都會多加關注。」

如果以上的2個錦囊也行不通﹐便要試試這最後一道錦囊了。當然﹐要成功吸引這班Elite Group也不是易事。最起碼的是要有學歷、懂外語、有頭腦、懂打份、有文化、有氣質…

港女們﹐爭氣啊﹗我撐你﹗﹗

By 瑪莎拉蒂@c沉睡森林

再一次拜讀了熊貓兄的文章『港男與港女』﹐文中對港女及港男的分析啜核之極。瑪莎拉蒂生於香港﹐也許是祖上積了陰德﹐小弟卻沒有港男的通病﹐可以在此說說風涼話。小弟踏足社會多年﹐認識的女性當然不少。隨著年紀漸長﹐身邊的男性朋友一個一個地結婚﹐女性的朋友﹐卻有很多連拖也未拍過﹗熊貓兄說這是“一宗世界性的冤案” ﹐這次小弟斗膽﹐嘗試為這宗冤案把把脈﹐為港女出出主意。

女多男少

根據政府統計處2009年6月份公佈的『香港的女性及男性主要統計數字』﹐現時香港男性與女性的比例是896:1000。換句話說﹐即是假設如果每位香港男士也會結婚的話﹐每1000名女士當中﹐就有104人(約10%)嫁不出。但是﹐如果我們再詳細看看報告的其他部份時﹐會發現事實其實更為險峻﹗

從上表可見﹐雖然香港整體的男女比例是896:1000﹐但是適婚年齡(25-39歲) 的男女比例只有平均742:1000﹗換句話說﹐即是現時適婚的女性當中﹐有26%的人會嫁不出﹐很可怕吧﹗如果港女們還未感受到那種恐懼的話﹐請睜大雙眼看看下表﹕

原來在過去8年﹐每年約有16,000名國內女同胞持單程證來港﹐而男同胞則只有2,500。當然﹐這16,000名國內女同胞當中﹐可能有很大部份是嫁來香港的﹐但這即是意味著香港單身男性正以每年13,500的速度消失。即是說﹐在10年後﹐適婚年齡的男女比例只有平均592:1000。屆時﹐港女會有40%嫁不出﹗

港女不愛港男

港女在很多方面也比港男優勝﹐勤力上進不在話下﹐現在愈來愈多女性躋身企業的領導層﹐與男人看齊。舊一代的港男還可以﹐可惜大部份均已結婚。而新一代的港男﹐染個金毛﹑打機﹑索K﹑脣紅齒白﹑說話氣若遊絲﹑眼無神﹑做人無方向﹑懶叻﹑懶墮﹑無上進心…溝唔到女真係唔怪得人。當然﹐新一代港女也有自甘墮落的﹐但起碼可以去援交賺錢。港男﹖就算劏咗嚟賣都無幾兩肉。

港男愛大陸妹

這一點沒有什麼需要說明﹐因為是鐵一般的事實。大陸女仔樣靚﹑身材好﹑溫柔體貼﹐港女基本上難以匹敵(請參閱身材大比拼—香港VS大陸)。當然﹐正如熊貓兄所講﹐港女有才幹﹑有學歷﹑有智慧﹑有錢﹑有地位﹐可惜現在並不是Job Interview﹐港女的這些優點統統變成缺點。試問有多少男人可以接受自己女友叻過自己﹖就算有﹐這些男人也未必揀得落﹗瑪莎拉蒂並不是在危言聳聽﹐事實擺在面前﹐請看下表﹕

從1991年開始﹐每年約有2萬名大陸新娘嫁來香港﹗香港每年才只有4萬多宗婚姻而已。無可置疑﹐大陸妹對港女已經展開了種族滅絕性的攻擊﹗作為港女﹐又可以如何自處﹖請留意下集。

By 瑪莎拉蒂@沉睡森林

如果你去吃一頓豐富的晚餐﹐一份精致的A5和牛擺在面前﹐你想像一下﹐你最enjoy的是吃第一口的時候﹐吃到一半﹐還是吃最後一口的時候呢﹖當然是第一口吧﹗根據經濟學所提出的 The Law of Diminishing Utility﹐吃第一口的滿足感是最大的﹐你愈吃得多﹐便愈沒有滿足感。到最後幾口﹐可能是勉強塞進口腔內而已。

以上的論點﹐合情合理。可是真相是不是就是如此﹖瑪莎拉蒂認為﹕最有滿足感﹐卻是你連第一口也還沒有吃下的時候﹗所謂愈是期待愈是美麗﹐等待之中﹐一切也美。讓我們換個例子看清楚一點。

一段戀情的必經階段是﹕相識期 -> 邂逅期 -> 蜜月期 -> 感情期 -> 平淡期

相識期﹕兩個人剛相識﹐以禮相待﹐各自有自己的面具﹑圍牆。一切由朋友開始﹐逐步了解對方﹐從興趣﹑性格﹑外觀﹑經濟條件等衡量是否有發展機會。

邂逅期﹕一但有一方覺得對方可以發展成為情侶﹐便會開始試探對方。先會表現關心﹑籍故親近﹐繼而展開追求﹐送禮物﹑約去街﹑傾電話等等指定動作紛紛出籠。如果對方也有興趣﹐便會提出暗示/明示﹐雙方愈走愈近。這段時期﹐雙方會設法表現自己的優點﹐隱藏自己的缺點。

蜜月期﹕兩人開始拍拖﹐甜蜜過甜蜜﹐日日糖黐豆﹐煲電話粥﹑行街﹑食飯﹑睇戲﹐彷忽有無窮精力。這段時間﹐往往愛得盲目﹐對方的缺點視若無睹﹐對身邊事物的靈敏性降低﹐工作散漫﹐主意力全放在對方身上。這段時期一般維持3-6個月。

感情期﹕激情過後﹐回歸現實。經過蜜月期朝夕相見的溝通﹐雙方的缺點已經表露無遺。如果一方不能接受﹐很有可能在這個階段選擇分開。選擇繼續的戀人們﹐便會開始從激情中培養出感情﹐雙方感情愈深﹐激情便愈少。這個階段的長短沒有一定限制﹐可從數年到十年不等。一般人結婚便是在這個階段。

平淡期﹕顧名思義﹐當一雙戀人結婚數年後﹐感情便會歸於平淡。雙方想著的可能是怎樣換一層更大的樓﹐怎樣教小朋友﹐如何在工作上更進一步。兩人關係漸趨平淡﹐似朋友多於似戀人。一般人離婚便是在這個階段。

瑪莎拉蒂覺得﹐在以上五個階段當中﹐最最最最最開心的不是蜜月期﹐反而是邂逅期。其原因便在於「曖昧」二字。

當一對男女在邂逅期的末段﹐便很有可能處於「曖昧」這個情況。男有心﹐女有意﹐雙方意會﹐卻未宣之於口﹐似有還無﹐若即若離。對方一句「今日有個男同事約我食飯﹐去唔去好呢﹖」足以令人輾轉反側。一句「沉晚發夢好似見到你」可以令你手舞足蹈。在這段時間﹐雙方會盡最大努力去討好對方﹐對方任何要求也會應承。不計回報﹐全力付出﹐只可能在還未得到的時候才會發生。

曖昧照字面解﹕「日」「愛」「日」「未」﹐也就是說「日日相見﹐卻未相愛」﹐重點在於一個「未」字。

問﹕一對情侶在拍拖哪個階段最開心﹖答案﹕即將開始但未開始的階段﹐可惜這個階段稍縱即逝…

by 瑪莎拉蒂@沉睡森林

PS﹕發現自己文筆每況愈下﹐請多包涵。

一點紅﹕喂﹗o靚仔﹐就嚟放完暑假喇喎﹐有咩搞過呀﹖

小子﹕你咪阻住我啦﹐我九萬幾樣嘢未做呀﹗

一點紅﹕放成三個月假﹐有乜都應該做完啦﹗你係咪掛住玩呀﹖

小子﹕你傻啦﹗我個schedule排得密過劉華﹐一日做足16個鐘non-stop呀﹗

一點紅﹕唔係呀fa﹖你有乜咁多嘢做呀﹖

小子﹕你知唔知我呢個暑假要做幾多份閱讀報告呀﹖

一點紅﹕我諗…2份掛﹖

小子﹕2份﹖你當我流架﹗我升一年班嗰年都做5份啦﹗

一點紅﹕吓﹖﹗﹖﹗咁癲﹖

小子﹕唔係你估﹗我有20個中文閱讀報告 + 20個英文閱讀報告要做呀﹗

一點紅﹕堅定流﹖邊可能要做咁多﹖你D先生係咪癡Q線架﹖

小子﹕堅架﹗而家間間band 1學校都係差唔多架喇。

一點紅﹕吓﹐咁邊有時間享受假期呀﹖

小子﹕假期仲忙過番學嗰陣﹐我等陣仲要去上堂添呀﹗

一點紅﹕上咩堂﹖

小子﹕10點學游水﹐12點學英文﹐2點學長笛﹐4點學畫畫﹐6點學劍擊。

一點紅﹕唔X係呀﹖學咁多嘢﹖你得10歲咋喎﹗

小子﹕呃你把X咩﹖

一點紅﹕X﹗你做乜爆粗呀﹖我話俾你阿媽知架﹗

小子﹕噢﹗Sorry! 近得你多學埋你爛口﹗而家間間學校都話要『一體一藝』﹐我阿媽又唔知我邊樣有天份﹐咪幫我魚翁撒網亂報囉﹐佢話學多幾樣梗無蝕底。

一點紅﹕咁你真係辛苦過劉華喎﹗咁其實你鍾唔鍾意學呢D嘢呢﹖

小子﹕挑﹗梗係唔鍾意啦﹗一個人游水駛乜學晒四式呀﹖你有無見人去沙灘游蝶泳吖﹖

一點紅﹕又唔覺喎﹗

小子﹕(少許暴燥) 仲有呀﹐學長笛嚟做乜Q啫﹖第時溝女唔通攞碌笛出嚟吹咩﹖俾人笑X死啦﹗除非我將來搞基啦﹗

一點紅﹕估唔到你咁細個就知搞基係點…

小子﹕(勁暴燥) 你係咪聽緊我講嘢架﹖﹗﹖﹗仲有畫畫呀﹗我學極都唔係Banksy啦﹐同埋我連火柴枝公仔都畫得樣衰過人﹐唔通我有天份咩﹖

一點紅﹕咁又係嘅…

小子﹕(怒吼) 我未講完呀﹗﹗無啦啦做乜要我去學劍擊呀﹖中華英雄呀﹖扮狂十兒呀﹖係學都學中國劍術啦﹗

一點紅﹕(流汗) 你…你冷靜D先啦﹐我驚你爆血管呀﹗咁其實點解學校要搞D乜鬼『一體一藝』呢﹖

小子﹕因為D學校以為一個好學生要文武體藝樣樣皆能先至叻囉。

一點紅﹕難道你唔認為係﹖

小子﹕無錯﹐all-rounded係好嘅﹐不過你睇吓呢個世界多唔多文武全才嘅人﹖多數都係半桶水﹐無樣掂。唔係好多人係gifted嘅﹐夾硬要將一個細路迫向多方面發展﹐對個細路唔好﹐對父母又唔好﹐lose-lose。

一點紅﹕咁你有乜高見呢﹖

小子﹕我覺得讀書時期有一D好重要嘅嘢係無教嘅。你諗吓﹐學校係要令一個細路將來出嚟社會做事﹐可以有適當嘅技能﹑邏緝﹑態度﹑觀念先得。學埋D唔等使嘢有X用咩﹖

一點紅﹕咁你想學D乜呢﹖

小子﹕我想學理財﹐人一生就係為錢奔波﹐好多人因為無正確理財觀念﹐碌咭﹑亂花錢唔儲錢﹐結果營營役役。如果有人細細個就將 time value of money﹐compound interest rate﹐CAPM model, Black-Scholes equation等等了解透澈﹐將來生活實會過得更好﹗

一點紅﹕嘩﹗你咁有料到嘅﹖

小子﹕我仲想學public speaking & communication。人成世都要同人溝通﹐有效嘅溝通方法可以事半功倍﹐如果有埋negotiation & questioning skill就更正啦﹗

一點紅﹕你…係咪真係得10歲架﹖

小子﹕我仲想學打扮。正所謂人靠衣妝﹐大個咗如果識得著合適嘅衫﹐化合適嘅妝﹐好好裝扮自己﹐衣著得體﹐成功機會大好多﹗溝到仔/女機會都大好多啦﹗

一點紅﹕嘩﹗你識咁多嘢﹐可唔可以教吓我﹖

小子﹕睇你個樣都無乜天份架喇﹐你求其學番門手藝﹐嗱嗱淋投個靚胎把啦﹗

一點紅﹕信唔信我斬你吖嗱﹗

by一點紅@沉睡森林

＊　＊　＊

時間過得很快，身邊的朋友都跨過十八歲這個門檻，感覺他們就是成人了，而我這個十七歲半還像個小丫頭一樣。想來也有點不服氣，看見他們不受阻擋地進入馬會、賭場，而我卻總被拒於門外。有種很奇怪的感覺，為什麼只差了六個月，大家都變得不同了呢？

我也很想進入馬會，試試買六合彩；我也想試試看三級片例如色戒，可是，六個月就是六個月。它不會因為我的欲望變得更快、或更慢，時間，還是一秒、一秒地過去。聽過一位朋友說，臨近十八會有種很怪的感覺，縱使我們的心智不能在一夜之間變得成熟，但是，踏入十八歲，總會覺得自己是一個大人，也覺得自己很成熟。

最近，很刻意讓自己變得成熟，好像要「迎接」我的十八歲。這年來，不再買波鞋，只買高跟鞋和平底鞋；不再買T恤，轉買較簡約的長裙和襯衣。也嘗嘗化妝，買了六支指甲油、一支唇彩，還有，去了穿耳，買了很多很多的耳環和飾物。因為想讓自己變的更成熟吧？最近也有人說我是女大十八變，我也很想我的身份證能夠十八變呀……

在這個世界中，我們總是忙忙碌碌的，很少用心記下自己的感受，我也不例外。趁著這一個晚上，我空閒著，我的腦袋也空閒著，應該要把十七歲半的心情記下的，十年後再看回自己，看看自己今天的說話是怎樣的。

by天馬行凶@沉睡森林

已經半年無寫過blog﹐連網站早前也給停了。是什麼令我再次執筆呢﹖我也不肯定﹐可能是因為那每天幾十的pageview﹐也可能是因為這裡可以讓我吐一些苦水吧﹗

最近兩個月心情一直不好﹐生意也結束了﹐死死氣氣回去打工﹐人工比我10年前第一份工略高少許。最近和沉睡森林創辦人之一(大熊貓) 閒談﹐說起近況﹐不無唏噓。我打工也好﹐做老闆也好﹐總是抱著做老闆的mindset﹐一切以公司利益為大前題﹐急人之不急。大熊貓說﹕『你當不當自己是老闆無所謂﹐最重要是你老闆當你是什麼』。直如當頭棒喝﹗是啊﹗我老闆當我是什麼﹖還不是打工仔一名﹖可以是什麼﹖

不在其位﹐不謀其職。看來我也需要自我調節一下自己的心態﹐安安份份做好自己的本份就是了。做老闆的心態﹐就留待下次再做老闆時才用吧﹗

By瑪莎拉蒂@沉睡森林

小子﹕一點紅哥哥﹐成年無見喇喎﹐你死咗去邊呀﹖

一點紅﹕唔駛做咩靚仔﹖點呀﹖咩料呀﹖我好忙呀﹗

小子﹕我想請教你一個問題呀﹕點解D人會搞婚外情嘅﹖

一點紅﹕婚外情就婚外情啦﹐做乜加個『搞』字﹖學埋D大陸話﹗

小子﹕OK﹐OK﹐點解D人會有婚外情嘅﹖

一點紅﹕點解咁問呢﹖

小子﹕因為我有個 friend個老豆老母炒哂大鑊﹐就係因為婚外情。

一點紅﹕(徐徐呼出一口煙圈) 婚外情喱家嘢真係好麻煩。我都識D人有喱個問題。其實婚外情並唔一定發生係男人身上﹐女人亦都會搞婚外情…

小子﹕一點紅哥哥﹐婚外情就婚外情啦﹐做乜加個『搞』字﹖學埋D大陸話﹗

一點紅﹕頂你個肺﹗你係咪想死﹗

小子﹕嘻嘻…乜兩個人唔係結得婚就會好愛對方㗎咩﹖點解仲會有婚外情嘅﹖

一點紅﹕其實兩個人結婚嗰個moment就梗係好愛對方啦﹐但係時間耐咗就會變㗎喇。有D夫婦過咗幾年就會覺得結婚後見得太多﹐磨擦就會多﹐自然覺得煩。而且大部份女人覺得嫁咗就等於完成人生任務﹐於是漸漸疏於保養﹑扮靚﹐兩三年就變成一個肥C9 。

小子﹕﹖﹖乜嘢係肥C9﹖

一點紅﹕肥師奶呀﹗﹗唔個阻住我講嘢啦﹗﹗而且當一個男人越漸成熟﹑事業越進步嘅時候﹐又自然會識到條件更好嘅女人。個男人一 compare﹐就發覺屋企件C9同眼前嘅索女無得比。加上如果個女人唔 mind個男人結咗婚﹐就更加易撻著﹗

小子﹕個女人點會唔mind個男人結咗婚啊﹖

一點紅﹕喱D你就唔明喇﹗而家香港有30%以上嘅婚姻係香港男人娶大陸女仔﹐久而久之﹐香港就會剩餘大量未婚女性﹐喱D女人係無得揀嘅情況下﹐有可能會揀D結咗婚嘅男人﹐博一博自己會爭得贏佢老婆囉﹗

小子﹕咁又爭唔爭得贏呢﹖

一點紅﹕好難講﹐要睇手段。但係無論贏同輸﹐都有人唔開心﹐而且件事多數都會揚哂﹐對3個人都無好處。

小子﹕照你咁講﹐喱個 lose-lose 情況﹐無理由要搞婚外情喎﹖

一點紅﹕所謂當局者迷﹐唔係個個都咁 conscious 嘅。而且好多人都好懷念拍拖嘅戀愛感覺﹐加上以為自己控制得到﹐所以不惜以身犯險。有D有品D嘅男人﹐會一早講明自己有老婆﹐訂明遊戲規則﹐願者上釣。但係有D衰格嘅﹐就唔認自己結咗婚﹐出去呃女仔。

小子﹕咁D女仔咪好慘﹖

一點紅﹕係㗎﹐我會建議喱D女仔如果知道個男人有老婆﹐就直接揾個老婆攤牌﹐等個老婆飛咗個男人之後﹐自己都飛埋個男人﹐等佢兩頭唔都岸﹗

小子﹕咁女人呢﹖點解女人會去偷食呢﹖

一點紅﹕唔好講到偷食咁難聽﹗我覺得女仔會去識第二個男仔一般都係兩個情況﹕(1) 個老公有第二個﹐出於報復心態﹐自己都揾番個﹔(2) 自己結婚時年紀太細﹐未玩過﹐婚後發現個世界原來有咁多筍盤﹐所以想揾個好D。

小子﹕咁結果呢﹖

一點紅﹕同男人一樣﹐都係搞到一鑊泡居多。

小子﹕如果你老婆有婚外情﹐你會唔會原諒佢呢﹖

一點紅﹕關你乜事﹖

小子﹕你答咗我先啦﹗

一點紅﹕我會。因為佢揀得第二個﹐一定係我有D唔好嘅地方﹐我會諒解。

小子﹕好嘢﹗

一點紅﹕好乜嘢﹖

小子﹕吓﹖…無…無嘢呀

一點紅﹕(拎出一把2尺開山刀) 講﹗

小子﹕(逃跑中) 我諗吓咋﹗我覺得你老婆都好索吓…我…我諗吓咋﹗

相關閱讀﹕與小子談沉船

By 一點紅@沉睡森林

上周和一位老死食飯﹐席間老死『呻』話老婆大人非常支持經濟﹐經常去買衫。當然經濟損失在所難免﹐但更大的問題是弄致家中衣櫃爆滿﹐老婆嚷著要搬大屋﹐令我這位老死苦惱異常﹐不知如何自處。

我唯有著老死勸喻老婆﹐衫﹐不是不可以買﹐但買兩件﹐便要丟一件。起碼這樣衣物堆積的速度可以減慢一半﹐實屬不幸中之大幸。

如果大家有很多舊衣物的話﹐不妨考慮捐給舊衣回收團體﹐既可幫人又環保﹐一舉數得﹗

By 瑪莎拉蒂@沉睡森林

97年回歸之後﹐拜偉大祖國所賜﹐香港人嘅生活裡面大量湧現新嘅詞彙。好似『打造』﹑『板塊』﹑『業績亮麗』﹑『政策出台』﹑『到位』等等﹐數之不盡﹐而且日日新鮮。今日想同大家討論吓嘅就係『比較』喱個詞語。

你可能會諗﹕唔係喎﹗『比較』喱個詞語不嬲都有㗎啦﹐唔好乘機屈大陸喎﹗的而且確﹐『比較』唔係一個新詞﹐但係『比較』今時今日嘅用法係唔同古時嘅﹐請留意以下例子﹕

例子(一) (股票行門口)
陳師奶﹕喂﹐李師奶﹐你覺得買5號仔定係941好D呀﹖
李師奶﹕梗係941啦﹗因為業務比較穩定D﹐而且現金流比較強﹐派息率比較高﹐PE比較低。

例子(二)(電視廣告 - 關於食物標籤﹐近排日日都有播)
旁白﹕我地揀食物嘅時候要選擇比較低糖﹑比較低脂﹑比較低鹽嘅食物呀﹗

例子(三) (大陸飯局)
黃總﹕周局長﹐這兒的魚翅可以嗎﹖
周局長﹕比較好。
黃總﹕那麼﹐等一下我們去夜總會好嗎﹖
周局長﹕比較好。
黃總﹕嘻嘻﹐我們公司的稅務安排就得靠周局長你了。
周局長﹕那個比較好辦﹐你放心就是了。

例子(一) 係好typical嘅用法。李師奶係比較緊兩隻股票嘅分別﹐所以用『比較』喱個詞語係正確嘅。而例子(二)就麻麻地﹐因為係個廣告裡面其實無講到比較緊D乜﹐所謂『比較低糖』究竟係點解呢﹖每100ml含16g算唔算低呢﹖如果有兩罐汽水﹐一罐每100ml含16g糖﹐另一罐含12g糖﹐係咪我地就應該揀『比較低糖』嗰罐呢﹖(註﹕其實兩罐含糖都過高﹗) 。估唔到而家政府嘅宣傳片質數咁低﹐真係好多謝偉大祖國嘅薰陶﹗例子(三) 就更絕﹐條友無論講乜都加『比較』喱兩個字。喱個用法可以講係空洞無物﹐佢根本就唔係比較緊兩樣嘢﹗其實周局長只要講個『好』字就得﹐唔駛扮晒有禮貌。大家唔好笑﹐例子(三) 嘅用法係大陸非常普及﹐起碼有90%嘅大陸人係咁講嘢嘅﹐問你死未﹖

咁查實點解班大陸佬會咁講嘢嘅呢﹖原理好簡單﹐就係虛偽。點解呢﹖你試諗吓以下嘅對白﹐如果無咗『比較』喱兩個字會變成點﹖

黃總﹕聽說你的二奶很漂亮啊﹗
周局長﹕(自豪地)這個嘛﹐比較好啦。
黃總﹕好像只有17歲﹐是吧﹖
周局長﹕(更自豪地) 哈哈﹐是比較年輕啦。
黃總﹕有空借我玩玩可以嗎﹖
周局長﹕(乾笑)這個嘛﹐比較…比較…

好多大陸人為咗扮謙虛﹐於是就搬出『比較』喱兩個字。佢地覺得『比較好』無『好』咁直接﹐如果成日咁 definite 咁講嘢會好囂﹐所以就乜都加『比較』﹐久而久之就成為習慣。但係我哋知到喱個用法係錯嘅﹐因為如果你無兩個 Object 去Compare﹐咁就唔應該講比較。費事教壞細路。

而家係香港成日聽人講『比較乜』﹑『比較物』﹐真係哽耳。

by 一點紅@沉睡森林