最開心就是這天！因為有溫泉浸。
就實在的，溫泉根本不熱喇，而且感到十分舒服，好像有人在按摩全身似的。完全上了癮，如果不是跟團只能浸一個鐘……我一定浸上幾個小時。

溫泉入口

在更衣室往外看覺得有點鳥語花香的感覺，便拍下來了~

更衣室內部…（我不在裡面XD）

 感覺很棒！要不然穿上了泳衣……一定拍一張相！

浸完溫泉，便起行去了夜市──士林夜市～
沒錯是很多東西吃，可是……我不喜歡吃東西（悲）
所以沒吃太多東西喇！就只吃了一點點的～

士林夜市~我來也啦啦啦~~~!!!

在捷運拍的，所以有點反光也有點不清楚～

一個不吃辣的人去吃麻辣面，猜一成語……
沒錯……是自討苦吃，可是很好吃呢

我忘了是什麼湯！但是酸酸甜甜的很好吃

腸阿！我認為是士林夜市中最好吃的！你們一定一定一定要吃呢，還要吃原味，因為是最好吃的。

吃完才記得要拍照……只好偷偷回到店裡拍，嘻嘻～

又來，飲完才記得拍照。
我喝的是珍珠奶茶，很有茶味……沒喝苦瓜汁～因為不喜歡…管它有不有名哩？！

因為士林夜市的東西不合我們吃，所以回到西門町，去了和民吃飯……（瘋）

很難吃的藕餅…

石頭飯……?忘了是不是。
很好吃，可是很飽~

吃完便回家睡覺了…(呼呼呼)

第三天再見~

 by 天馬行凶@沉睡森林

小子﹕好多謝一點紅接受沉睡森林嘅專訪﹐我首先代表沉睡森林多謝你。

一點紅﹕你邊位呀﹖你有乜資格代表沉睡森林呀﹖唔好扮哂代表嘞﹗你條靚仔只不過係我哋虛構出嚟架咋。你咁寸﹐我哋以後都唔寫“與小子談XX” ﹐等你無機會出場吖嗱﹗

小子﹕吓…唔…唔駛玩到咁大啩﹗

一點紅﹕驚哩﹗等你咁得慼吖嗱﹗

小子﹕不…不如我哋做番訪問喱﹖

一點紅﹕好啦。

小子﹕你仲記唔記得你第一篇發表嘅文章係邊一篇﹖

一點紅﹕唔…應該係“偉大的中文”吧。

小子﹕咁你自己最鍾意係邊一篇呢﹖

一點紅﹕真係好難揀。老實講﹐篇篇我都幾鍾意﹐但係又無一篇我真係超鍾意﹐所以答案係無嘅。

小子﹕你點解會開始寫 blog 嘅﹖

一點紅﹕因為我都好有興趣同大家分享一下我D歪理。好多時係日常生活中﹐你唔會無啦啦同人討論問題架嘛﹐所以我覺得係沉睡森林發表吓意見都唔錯。

小子﹕哦。多謝哂你寶貴嘅時間﹐今日我哋嘅訪問就到此為止嘞。

一點紅﹕吓﹖咁快﹖

小子﹕係啊﹐我係準備咗咁多問題咋。你估你係劉德華呀﹖我哋又唔係志雲飯局﹐邊度得閒同你玩咁耐呀﹖

一點紅﹕死仔包﹗我一場嚟到你唔係就咁叫我走吓話﹖你起碼都問多一陣啦﹗

小子﹕問咩呀﹖

一點紅﹕求其啦﹐揾D嘢問吓啦﹗

小子﹕…你…你鍾意食D咩呢﹖

一點紅﹕我最鍾意食日本嘢﹐仲有中式點心同埋上海菜。

小子﹕如果任你揀﹐你最想同邊個人食一餐飯﹖

一點紅﹕死咗得唔得﹖

小子﹕是但啦﹐喱D都唔會登架啦﹗

一點紅﹕我會揀張國榮。

小子﹕你最鍾意邊一套電影﹖

一點紅﹕Shawshank Redemption (中文譯名﹕月黑高飛)

小子﹕你最想偷邊三件藝術品﹖

一點紅﹕羅浮宮嘅勝利女神像﹐王羲之嘅快雪時睛帖﹐同埋故宮入面用玉雕成嘅肥豬肉。

小子﹕你試過放入口嘅最怪嘅嘢係乜﹖

一點紅﹕12條層層疊積木。

小子﹕如果你嘅一生要拍成一部電影﹐你想揾邊個飾演你自己﹖

一點紅﹕梁朝偉。

小子﹕你最憎邊個﹖

一點紅﹕司徒華。

小子﹕當今在生嘅人﹐你最想做邊一個﹖

一點紅﹕唔…劉鑾雄。

小子﹕係咪因為佢可以包明星﹖

一點紅﹕唔係。包明星好多人都得啦。但係佢有錢之餘我行我素﹐我好欣賞。

小子﹕咁當今世上你最想包邊個明星﹖

一點紅﹕嘩﹗點揀呀大佬﹖揀多幾個得唔得呀﹖

小子﹕梗係唔得啦﹗淨係准揀一個﹗

一點紅﹕… 唔…唔…我會揀容租兒。

小子﹕﹖﹗

一點紅﹕係。係容祖兒﹗無錯﹐雖然佢唔算好靚女﹐但係我覺得佢個人好開朗﹐好有活力﹐而且鬥志頑強﹐我本身好鍾意佢。

小子﹕但係而家係講包明星喎﹐唔係10大傑出青年喎﹐要咁上進做乜先﹖

一點紅﹕你要欣賞一個人先會想包佢架嘛。

小子﹕但係你自己話愛與性係無關係架喎。(編者按﹕參閱愛與性的邊緣)

一點紅﹕你唔好窒頭窒勢啦﹐靚仔﹗

小子﹕…

一點紅﹕繼續啦﹗

小子﹕咁如果可以俾你揀兩個人起雙飛﹐你會揀邊兩個呢﹖

一點紅﹕你喱D咩問題嚟架﹖喱個訪問係想點架﹖

小子﹕答唔答﹖唔答就成篇訪問都唔登﹗

一點紅﹕仆街仔﹗點答呀﹖好難揀喎﹗等我諗陣先﹗

小子﹕zzz……….

一點紅﹕我揀唔到呀﹗

小子﹕唉算啦。今日就玩到喱度啦。咁鬼煩﹐下次喱D訪問唔好攪我﹗

一點紅﹕大家咁話﹗

*  *  *

你又會揀邊兩個呢﹖

By一點紅@沉睡森林

香港再見！在候機室拍的照，台灣之旅正式開始！

　　到了台灣出境後，導遊大叔便帶我們去了香港人喜愛的地方之一──九份。沿路看，九份一座高樓大廈也沒有，夜晚看星星必然會很漂亮吧？我沒看過九份夜天的星星，可是在白天，也能清楚看到一片片的雲。

　　九份街頭，到處是小攤檔，有種很舒服的感覺。

雖然九份有很多好吃的東西，可是我沒有吃太多，一來沒錢二來我吃不下，只去了一間吃醉雞的店子吃了，真是好好吃的說！酒味很香但不會感到嘔心

丸子又大又有餡子，真的好好吃！可是一盒只有一粒大丸子喔T_T
那些小黃瓜也很好吃，酸酸辣辣的

丸子三兄弟

小黃瓜條

在人擠人的街道熱得快死，吃一個冰是最涼快～

離開熱鬧多人的檔攤，看看沒有高樓大廈遮蔽的藍空也不錯，在香港難以一見呢！

雖然來到台灣，但晚上沒有掃夜市或吃肉藻飯什麼的，反而去了吃一個韓國定食～！

酒店相便不貼了，第一次就俾我搞到立立亂咁。

by天馬行凶@沉睡森林

中文字真係好鬼得意架。早兩日上網見到有人 post 咗好多古靈精怪嘅中文字出嚟﹐於是我又去做吓 research﹐發現原來中文字有超過11萬個﹐當中我哋作為龍的傳人又識幾多個呢﹖今日我哋不如睇睇三疊字先啦。以下嘅字﹐你識幾多個呢﹖

品晶瞐皛掱惢姦嚞磊蟲

鑫森淼焱垚贔譶舙聶灥

矗雥轟飍飝驫馫鱻麤靐龘

By 一點紅@沉睡森林

在剛過去的母親節﹐瑪莎拉蒂陪同家母與祖母往看粵劇。當然﹐小弟對粵劇一無所知﹐亦無研究﹐故跟本不能說出所以然來。唯一覺得該劇目熟口熟面﹐小時候就已聽過。

散場後趕緊問了祖母一下關於粵劇的資料﹐在40-50年代﹐粵劇曾經大放異彩﹐百家爭鳴﹐可是隨著幾位重量級人馬相繼逝世/退休後便開始漸漸式微。原來現時我們聽的粵曲﹐大部份均是幾十年前所作的(其中以唐滌生為主要創作者)。在過往30年﹐差不多沒有新的曲目(羅家英及楊智深是僅餘的新劇目開發者)﹐來來去去也是聽幾十年前的舊歌。在粵劇界﹐每一個名伶均是以演譯舊曲為主。至於唱得好的標準﹐亦是模仿為主。唱得跟以前老倌一模一樣的就叫做好﹐不同的就是不好。現今學粵曲﹐就是要學前輩們的唱法﹐每個音﹐每個韻均要學得絕對一樣﹐否則就是唱得不好。

聽完後我頓感語塞。原來粵曲這種藝術是不鼓勵創新的。如果是這樣﹐為什麼還要去演譯﹖開部CD機播舊歌就可以了吧﹖試想像﹐如果廣東流行曲唱來唱去也是關正傑﹑張德蘭﹐那麼我們還有機會聽陳奕迅嗎﹖這麼固步自封的音樂﹐怪不得要沒落﹗

by 瑪莎拉蒂@沉睡森林

　　剛從台灣回來，食物阿風景阿什麼的遲點放上來（因為很多相……），但這篇文章純粹把我對台灣最深刻的事寫出來，以免忘記。

 　　不能不說的是台灣人很Nice！只要你拿著地圖端詳一會，便會有人問你要去哪裡，然後指地方給你，而且說得超詳細！我們在西門町和捷運也遇到這些好人呢。

　　除此之外，那些計程車大叔似乎對遊客很有興趣，不停問我們是從哪裡來的、有沒有去中正紀念場、有沒有去故宮等等等……感覺比香港的士佬好人得多……

 　　最後是，台灣人都是很守秩序的人，在捷運裡你不會看到一群人擁進車裡的情況，他們真會排成一條直線進去呢，進去之後，也絕不會吃香口糖呢，見到別人吃，他們會提醒的說……和我同行的一個aunt便給提醒兩次了，但若果你不理會，他們便會告給工作人員……然後送你一張警告信~

　　另外阿台灣人很瘦，都是練仙的嗎？

　　感覺台灣比香港好多了……節奏較慢，人較守禮，若果可在台灣住一輩子也願意。

by 天馬行凶

在本地的報章中,一直有個專欄叫做”家長老師專欄”,亦歡迎各位老師或家長投稿.

近來就從這專欄中,看到好幾篇家長的文章,雖然只是一些子女入讀幼稚園的事,可實在令我心裏直呼過癮.

現在子女入學,對家長來說就好比自己的人生大事更來得緊要,很多家長甚至只顧學校的名氣就好,而把自己的孩子送去那些所謂”精英名校”,即使明知學校老師高傲也罷!!

怪談之一:

話說那家長帶着自己的小可愛去到學校面試,去到學校,老師就帶着孩子入課室,家長還得在外等候,誰知小孩入去後就開始哭,結果被哭着帶出來,家長立即上前問個夠竟,誰知師竟然冷冷丟下一句:”才問幾句就哭起上來,結果什麽也問不到”,轉身便走去.

怪談之二:

另一位家長也如同帶自己的小可愛去面試,不過照文章看來,應該不是同一間學校.

家長帶着孩子去到學校,這位家長的孩子沒有哭,可是卻沒說過幾句話,而老師竟然問孩子平時放假會否去八佰伴,又會以什麽交通工具去八佰伴.

可憐孩子被問得一頭霧水,而家長看到卻火在心裏,因為家長心裏有數,多少估到老師們想要的答案是”車”.

然後家長狠狠丟下一句:”我們從不去八佰伴的”.就和孩子大步離開考場.

其實一個才三四歲的小孩,即使平時開郎活潑,但畢竟去到一個人多又不熟悉的地方,怯場也是理所當然的呀!!為什麽就憑這個來取決收生呢?

除了這兩篇面試怪談外,其實還有好幾篇文章內家長的所見所聞都大致相同.

結果那幾位家長當然不會把孩子送去這麽”精英”的”名校”啦!!

原來還有和我一樣想法的家長,不捨得把孩子送上戰場的呢!!

總好過有些家長,認為孩子入不到第一名校就像永不超生那樣來得好吧!!

樹大有枯枝,誰說名校就一定不會出劣品?紅牌學校就沒好人?

作為媽媽的我,覺得應該為子女選一間中中等等,校風好,教學方向好的學校,讓孩子在開心的環境下學習就好了!!

by逃花園@沉睡森林

今日我哋探討吓究竟『愛』同『性』係有乜嘢關係啦。有人話有愛先有性﹐有人話有性先有愛﹐有人話兩者無關係。當然啦﹐唔會有一個標準嘅答案﹐而depends on 你係乜嘢人﹐你嘅答案都會唔同﹐喱個題目係可以用好多個角度去睇嘅。

首先﹐我哋用遺傳學角度了解吓先。係遺傳學嘅角度﹐物種生存嘅目的係將自己嘅基因pass比下一代﹐所以好多動物都係有多過一個性伴侶嘅。而雄性嘅動物只要透過濫交﹐就可以令更多雌性受孕﹐大量繁殖留有自己DNA嘅後代。所以﹐係生物學嘅角度﹐雄性嘅生物係天生濫交嘅。

但係雌性嘅動物就唔同嘞﹐無論雌性嘅動物有幾濫交﹐佢哋只係能夠生有限嘅後代(一胎所生最多數量) ﹐所以雌性嘅動物濫交對傳播自己嘅DNA幫助唔大。而且﹐雌性嘅動物喺懷孕期係無乜覓食能力嘅﹐要靠雄性嚟照顧﹐如過雌性嘅動物濫交﹐雄性嘅動物就會因為唔知個肚係咪自己而放棄照顧懷孕嘅雌性﹐所以我覺得﹐雌性嘅動物係應該專一嘅。

但係人並唔完全係動物﹐因為人有愛情。我唔可以代表其他男人講嘢﹐而我自己就覺得愛同性係分開嘅。一個我好愛嘅人並唔代表我一定要同佢有性關係﹐而我亦都可以同一個我完全唔愛(但係都唔會討厭) 嘅人發生關係。因為我覺得愛係一種感覺﹐我會想同我愛嘅人一齊生活。但係性係一種衝動﹐係原始嘅需要。

我自己 plot 咗個圖﹐一邊係愛﹐一邊係性﹐結過我發現我自己似乎對有D好感嘅異性最有性期待﹐反而好愛嘅就一般般。

如果你有興趣可以 download 個 file 嚟自己玩吓﹐睇吓自己條 curve 係點嘅。

by 一點紅@沉睡森林

應讀者的要求﹐和大家談談功夫之王這套電影。首先﹐功夫之王(The forbidden Kingdom)這個名字改得不好。需知道華人對功夫兩字並不陌生﹐而這套戲所圍繞的並不是功夫﹐而是一個似是而非的所謂西遊記前傳。英文名亦改得差﹐外國人對功夫一知半解趨之若騖﹐如果片名改為 King of Kung Fu﹐應該能吸引更多觀眾入場。

導演Rob Minkoff以前幾部片均是動畫卡通為主﹐由他來執導拍一部有東方色彩的動作片﹐結過出來不倫不類。故事本身更是無中生有﹕一個鬼仔在唐人街舊當鋪執到支金剛棒﹐回到古代﹐偶遇道家老祖醉拳大師﹐跟著拜師學藝﹐再遇上一名高僧﹐共同往魔宮殲滅魔頭﹐救出孫悟空﹐然後無啦啦回到現代。天啊﹗這是一個什麼故事﹖很有點像70年代那些垃圾電影﹐求其炒埋一碟。

影片風格像粵語長片﹐粗製濫造﹐人物造型老土﹐真是不知想點﹖

以成龍李連杰的身份﹐竟然會拍一部如斯爛片﹐真是令人婉息。這是一部拍給鬼佬看的電影﹐完全侮辱了西遊記﹐扭曲了外國人眼中的中國文化﹗﹗

可是這套片在美國很賣座﹐評價也很高﹐問你服未﹖

by 瑪莎拉蒂@沉睡森林

與友人傾談間,友人說覺得現在的節日慶祝都好像變質了似的,變相好像是商家大撈一筆的好時機.

就像在剛過去的母親節那樣,友人說出去吃飯根本就不像慶祝母親節,而好像是為了酒樓餐廳的推擴做勢那樣!!

其實就算是這樣也不能怪誰的吧!畢竟在商言商的呀!!

其實有時候,如果子女是好的話,也無需特別在那天去吃個什麽飯,可是現在這些慶祝活動就好像成了潮流那樣.

好仔不如好新抱,好女不如好女婿,現在為人子女的,好不好都好像要取決於結婚之後才有結果那樣!!

新抱好;就多半個女.新抱不好;就連自己辛苦帶大的兒子都送了給人家.

同樣地;

女婿好;就多半個仔.女婿不好;也一樣連自己的女兒都送給了人家.

那像以前的人會尊重家姑外父們的呢?

現在這個年代,作為母親的還真是苦差一件,也不能像以前那樣,指望子女來老有所依.只求把孩子養大,沒有回家跟你要錢己是萬幸了.

偶然會回家看一下父母的已是不錯,會和父母外出嘆茶吃飯的更是好仔的了.

所以呀,現在為人母的,兒女好就是母親!

兒女不好呀?那就是冇親囉!!

同樣地;

兒女好;過的就是母親節!!

兒女不好;過的就變成冇親節了!!

by 逃花園@沉睡森林