從年宵市場看港人創意
每年農曆新年都有年宵市場﹐不少人(尤其是學生/年輕人)都視這個為商機﹐希望在年宵市場大撈一筆。記得早兩年有位仁兄想出了「火箭」這個 idea﹐結果愈賣愈貴、愈貴愈多人買﹐發了一筆橫財。接著那年﹐有不少人學他賣火箭﹐結果全部仆直。所謂第一個做是天才﹐第二個做是蠢才。
今年行年宵﹐大大小小攤檔共有數百﹐除了是賣花的那些﹐其餘清一色全是賣吹氣玩具﹕豬仔、刀劍、較剪、公仔、豬籠等等，創意非凡。驟眼看來，好象到了全球吹氣公仔交易會，就只欠那些身上有幾個洞的美女公仔而已。如果有鬼佬去行年宵﹐一定會以為吹氣玩具是中國人傳統過年禮品。
那些吹氣公仔﹐無可口非是得意的﹐可是過年後還有人拿出來玩嗎﹖還不是放在櫃底﹐過幾年搬屋時一拼扔掉﹖既無意義﹐又不環保。我相信年宵賣吹氣公仔的檔主起碼7成要蝕錢。
早10年行年宵﹐嘩﹗產品多元化﹐又有意義﹐我試過在年宵買了一套教魔術的VCD﹐幾好睇呀。現在的人﹐總是想食老本、抄人﹐見人家賣吹氣公仔，便一窩蜂湧去賣吹氣公仔。現在新一代的年輕人，唉…真是…
明年年宵﹐肯定有更多人賣吹氣公仔﹐我放長雙眼睇你地點仆街。
by落花流水@沉睡森林
