“革命”之前的對話
* 本故事純屬無中生有．請家長陪同小朋友閱讀，再由家長帶往大陸各愛國教育基地參觀學習，才能對大陸的“革命”有更深一層的瞭解．
（毛澤東，周恩來和林彪，在湖南老家圍爐夜話，時為１９１９年，毛澤東和他的幾個朋友還是沒沒無名的小子）
（火爐邊，周恩來正專心看書，毛澤東一手搶過）
毛澤東：嗯！小周，做乜咁有文化，學人讀屎片，仲係翻譯o既屎片，唔．．．共產宣言．．．乜黎架？
周恩來：挑！唔識就咪搶喇，呢本書好犀利架，係一個病鬼係英國養病o既時候寫o既，內容好似係話，如果呢個世界，冇晒ｄ地主同埋有錢佬，大家變晒無產階級，無分你我，咁大家就唔洗捱窮．好好架！
林彪：有咁著數就梗好喇！但係點先會冇晒ｄ地主同埋有錢佬先得架？
毛澤東：乜都唔好問住，個故事吹到咁勁，個病鬼後來點？
周恩來：因為佢ｄ朋友都係無產階級，邊鬼度有錢醫，死梗喇．
毛澤東：ｘ！咪係囉，一條可以令到全世界都發達o既好橋又點會係由一個窮鬼諗出來先得架？都唔實際，無分你我？咁咪即係做又三十六，唔做又三十六？搵鬼博先得架？如果呢條橋真係行得通，全中國都冇人肯做野，聽餓死都得喇．共產主義完全唔符合我多勞多得o既性格．我唔ｂｕｙ．．．依．．．等等．．．
周恩來：乜事？
毛澤東：我地咁聰明，就梗唔信依本書喇，但係你諗下，中國有咁多蠢人，又咁多窮鬼．如果同佢地講，佢地以後乜都唔洗做，只要打死ｄ地主，就可以分晒佢地ｄ錢同埋攪埋佢地ｄ老婆，你估ｄ蠢人肯唔肯制先？如果我地又乘亂打劫，分分鐘我地可以分左先，你話過唔過癮？
周恩來：諗落都有ｄ道理，依本野肯定只有癲佬同埋蠢人先至會信，我地千其唔好信．但係我地就要講到我地自己都好信咁，只要咁樣，先至可以ｓｅｌｌ到人．但係，ｓｅｌｌ到之後又點呢？
林彪：理佢！依家餓住個肚，又諗起隔離村地主個妾侍．咪喇，我想上條女好耐架喇，快ｄ攪共產主義喇，打死個地主，分佢家產，攪佢老婆！
毛澤東：咪心急，我地聽日就去同人講，我地係洋鬼子身上學到一門學問，叫共產主義，係德先生賽先生個表哥，都係自己人．只要俾一個好好聽o既名去理性化殺人放火呢件事，班傻仔實跟，到時就要乜有乜喇！
周恩來：好喇，咁打完地主搶完錢又點？
毛澤東：ｘ！你成日諗到咁長遠做乜？好喇，怕左你．咁喇，依度我年紀最大，萬一我地成功左，我做皇帝，做到死為止．你就做我左右手．你知喇，咁多女我都玩唔晒，到時你都可以幫下手．仲有，你堂眉咁殺食，話唔定到時ｄ女鍾意你多ｄ．．．我唔制．．．！
林彪：但係做ｄ咁o既野我地會遺臭萬年架喎．
毛澤東：所以成日叫你讀多ｄ書，歷史o既野，睇下你點描述o既啫．到時只要做吓大戲，話個個地主都係衰o既，我地就好辛苦咁打生打死，為左拯救百姓於水深火熱之中，咁咪得囉！
林彪：好喇，都係小毛你有橋．咁你做皇帝，你做左右手，咁我做乜？
毛澤東：都叫左你咪叫我做小毛架喇，你個樣生到成隻狗咁，就做將軍喇！
林彪：好野！有將軍做．
毛澤東：大把世界呀，傻仔！
最後，經過數不清的殺人放火，打家劫社之後，他們“成功”了．毛澤東成了“偉大的主席”，周恩來亦成為了“人民的總理”，而林彪就慘了點，因為奪權失敗，和他的“超天才”兒子林立果葬身蒙古．不過，熊貓覺得林彪是抵死的，因為毛澤東不是說過做將軍就好了嗎？
此後的事，都是按歷史教科書所述了．
By大熊貓＠沉睡森林
落花流水@沉睡森林 said,
April 30, 2007 @ 7:58 pm
熊貓兄﹐我真係好鍾意這篇文。寫得實在太好了。
大塚日月 said,
May 1, 2007 @ 12:41 am
頂你個肺,原本篇文一般,不過加左個三條契弟個名上去,我當堂笑到肚痛.
誠表哥 said,
May 1, 2007 @ 4:26 am
情節好順暢自然, 就像真的發生過一樣.
彼岸花 said,
May 4, 2007 @ 7:19 pm
太正啦呢篇野!!
唔係讀過下歷史都以為係真~