終身監禁
有時會諗如果自己俾人判左終身監禁﹐要坐成世咁點呢﹖係獄中日日無所事事﹐混混噩噩過埋下半世﹖定係讀下書，拎番個 MBA 呢﹖抑或織下藤籃﹐儲D錢買煙仔食﹖還是信下教﹐呃自己可以上天堂呢﹖
成世人流流長﹐要混混噩噩咁耐都好難喎。我又唔係黑社會﹐唔鍾意埋堆﹐咁自己一條友唔通日日打飛機過日晨咩﹖
至於讀書喇喎﹐雖然我讀書都有D心得﹐但係讀埋咁多書有Q用咩﹖又無得出去發圍﹐唔通同D監躉理財﹖定係做生意賺鬼哂佢地D錢﹖
織藤籃就更加無聊啦﹐我不嬲都主張精人出口、笨人出手﹐無理由自己去做D咁o既o野o者﹗
信教就仲笨﹐擺到明係自己呃自己啦﹐喱個世界都無天堂既。
左諗右諗﹐都係要逃獄先掂。要逃獄係好困難既﹐而且機會只得一個﹐如果失敗就無下次機會架喇﹗計劃係咁既﹕首先係獄中要表現得良好﹐例如好有禮貌﹐處處幫人咁啦。咁做係為左俾D好印象D獄警﹐令佢地對我疏於防範。然之後就要充份發揮個人魅力﹐盡量同其他監躉做 friend﹐因為我需要佢地幫手。如事者過得5年﹐大家就會當我係無殺傷力既朋友。
都左喱個階段﹐我應該已經掌握到一般監獄運作、巡邏時間、值班分配等等。而我就要開始做運動﹐令自己體能去到最頂尖狀態﹐尤其係要練長跑同埋雙手攀扒既能力。然之後﹐就要等一個機會。
係咩機會就好難講得埋﹐最好係一個可以令到所有監躉到會唔 Happy 既事。例如監躉福利被剝削咁啦﹐或者係有D老野俾獄警打之類啦。係喱個時候，就係養兵千日用在一朝既時候喇。我會靜靜地策劃一個暴動﹐聯絡好哂所有人﹐然後係夜晚發難﹐趁亂打暈一個獄警﹐換左佢套衫﹐然後乘亂走人。只要離開到人多既地方就好有機會可以出到去﹐攀山涉水就不在話下啦。到你走到咁上下就要喱埋﹐最好係D引水道入面﹐涯兩個禮拜(無食物架﹐淨飲水啦)。D人一定估唔到你會唔有咁遠走咁遠﹐反而係就近山邊。為左要避開警犬﹐之前個日沖涼一定要用好多番”繭”辟左陣味。到風聲無咁緊先至浦番頭﹐搵人搭路著草去台灣。
我諗喱條橋都有3成機會成功o既。
如果有一日你地見我唔再係沉睡森林出現﹐然之後過幾年有單逃獄既新聞既話﹐你地就知係我成功之日喇。
(PS. 有套講逃獄既戲好好睇架: Shawshank Redemption)
by 一點紅@沉睡森林
夜淺 said,
April 29, 2007 @ 8:46 pm
哈”
如果係我呢．．．
逃獄我就唔敢喇．．
咁我就應該會嘗試係監獄度做大佬啦．．（稱霸監獄？？）
再唔係咪日日係監獄上演六國大封相囉．．．（日日搞事？？）
或者．．．發下癲
扮下痴線玩死ｄ人囉．．．（不過應該係我比打死先）
總之就用盡方法令自己係監獄裡ｏ既生活愉快啦．．
反正逃獄出去都冇咩好做．．．
出到去唔同成世都左閃右躲？！
我寧願係監獄裡光明正大快快樂樂．．．．
Elaine said,
April 30, 2007 @ 1:34 am
Hi! 大家好！Elaine我在此留下足跡，表示“到此一遊。
一向奉公守法，從來就沒想過會坐牢。說真的，萬一有一天真的坐牢，是不是會號啕大哭，或者就此認命，當個快樂的囚犯？
扭計皇者 said,
April 30, 2007 @ 10:57 am
有D人睇完可能會覺得你好無聊, 無端端咁諗, 但我真係覺得你好細心, 你應該係經常發白日發, 富有幻想的人, 連 “為左要避開警犬﹐之前個日沖涼一定要用好多番”繭”辟左陣味”你都諗到, 勁呀, 佩服佩服
kiki said,
April 30, 2007 @ 4:18 pm
謝謝你COME我的blog
彼岸花 said,
May 4, 2007 @ 7:18 pm
你講係咪「逃」??XD`
我諗我下半世有可能係就甘做個打工仔算啦…
廢事搞甘多野(囧)
KIMBERLEY said,
May 6, 2007 @ 8:36 pm
HI~但我又真係冇好似你咁諗過….
無啦啦做乜會比人拉去坐成世???
brian_lcb said,
December 20, 2007 @ 3:12 pm
其實睇到內文你決定逃獄之前個段，咁樣形容自己…..我估你係冇可能做到你要實踐逃獄而必須要做個D野……….HAHAHAHAHAHA 其實都唔洗做咁多野啦!!!你已擁有最強的矛同盾啦HAHAHAHAHA