與小子談友情
小子﹕一點紅哥哥﹐你有無好朋友呀﹖
一點紅﹕梗有啦﹐點解咁問呢﹖
小子﹕我今日上堂先生話人生得一知己死而無憾喎﹐所以問吓你啫。
一點紅﹕哦﹐原來係咁。其實你先生都講得好有道理﹐知己真係唔易搵架。我宜家班朋友﹐全部都係識咗十年以上﹐大家有一齊成長嘅經歷﹐所以感情好好。
小子﹕吓﹗全部都識咗十年﹖咁你對上十年咪無識過其他朋友囉﹖
一點紅﹕都唔可以咁講嘅﹐人愈大呢﹐就愈多顧慮﹐新相識朋友就會諗佢會唔會害我呢﹖個人係點嘅呢﹖因為人大咗就識得保護自己﹐好難好似以前咁拎個心出嚟同人做朋友架喇。
小子﹕哦﹐咁工作上嘅朋友呢﹖
一點紅﹕工作上係無朋友嘅﹐只有同事架咋。因為大家係公司係有各自嘅崗位﹐點都會有啲利害關係﹐好難真係做朋友嘅。
小子﹕吓﹖有利害關係就唔係朋友﹖
一點紅﹕係呀﹐所以千祈唔好同朋友做埋同一間公司﹐唔係遲早都無朋友做架。我見過有啲人係幾個朋友夾份做生意﹐最後到係鬧翻收場。
小子﹕乜原來做朋友係咁難架﹖
一點紅﹕係呀。有時諗番轉頭﹐如果我今時今日先遇到而家班朋友﹐又真係幾難會成為莫逆之交架喎。雖然而家好少見﹐但係大家都好珍惜喱分友情架。咦﹖你做乜眼濕濕呀﹖
小子﹕我同個朋友仔嗌交呀。
一點紅﹕人生得一知己死而無憾﹐好好珍惜啦﹐快啲氹番人啦。
小子﹕但…. 但係佢裝我阿媽沖涼喎…
一點紅﹕吓…咁你裝番佢阿媽當打和囉
相關文章﹕論朋友
By 一點紅@沉睡森林
報仇 said,
May 9, 2007 @ 9:06 am
嗨：您好！我不懂訂閱您的網誌？
lazykick said,
May 9, 2007 @ 9:28 am
just to say hi & good morning~~~
六仔 said,
May 9, 2007 @ 9:59 am
你好嗎~我來了這裡了~先留個言~往後再慢慢看啊!!
Michael Leung said,
May 9, 2007 @ 11:31 am
朋友關係，一定有好的部份(背景和記憶)和不好的部份(背景和記憶)
sallyyu said,
May 9, 2007 @ 12:25 pm
是的的確識朋友很容易,但說到知己的確難尋.
oboe_kwan said,
May 9, 2007 @ 12:42 pm
多謝你黎我個 blog^^
有時間私都黎….大家交流下都好~~
輕姬 said,
May 9, 2007 @ 12:57 pm
朋友既定義係我眼中好簡單 功多於過就叫朋友
就算朋友是個大奸大惡 殺人唔(斬)眼的人都好
只要佢從來無害過我就係我的好朋友
當然害人之心不可有 防人之心不可無
朋友干常的一言一行會令我作出適當的防範
miriam said,
May 9, 2007 @ 10:17 pm
HELLO, 第一次入黎呀, 好高興你有入我個blog到睇, 朋友我都幾多架, 不過起澳門, 台灣就一個都搵唔到, 可能我比較文靜啦, 小講野所以導致冇朋友啦…
Tomato said,
May 10, 2007 @ 2:17 am
見到你來過我的blog
所以我也來看看你的blog~
十分讚贊同你那句”人生得一知己死而無憾﹐好好珍惜啦”
笑聞 said,
May 10, 2007 @ 10:18 am
容許小弟, 把您部份文張節錄到在下的網誌吧!
因..小弟日誌太無聊,有您的文張充實下,實在好事,
請放心,我會註明節錄於此….. ^.^
彼岸花 said,
May 10, 2007 @ 9:55 pm
嗯嗯……
朋友易搵……知己難尋呀…
好好…第時唔好同朋友做埋同一間公司先(寫筆記)