買鞋記
早幾日去旺角波鞋街買鞋﹐行吓行吓就入咗間波鞋鋪﹐望吓望吓就揀啱咗對鞋﹐$599 減到 $399﹐都抵﹐所以就問售貨員﹕『唔該﹐喱對鞋有無8號﹖』售貨員係一個後生仔﹐20歲左右、細細粒粒、一頭金毛、長長哋頭髮、Gel 都好似賴型咁﹐去搵左無耐就番嚟﹐用微弱嘅聲線話﹕『得43號』。我都唔知43號係幾號﹐所以就話﹕『咁即係點呀﹖』條靚仔竟然俾咗個好唔耐煩嘅眼光我﹐跟住去問個同事﹐之後話﹕『即係9號左右啦。』我諗你無嘢呀﹐你賣鞋都唔知43號即係9號要去問人﹖跟住我就指住另外幾隻類似嘅鞋問﹕『咁你幫我睇吓喱幾款有無8號﹖』條靚仔好快咁答﹕『無呀﹗』我有D嬲咁話﹕『你唔 check 吓先﹖』條靚仔就用非常之寸同埋不屑嘅口吻話﹕『記得吖嘛﹗』之後我就當然走人啦。
其實喱件事好少事﹐但係就令我諗起香港而家新一代真係一代不如一代。熊貓成日話大陸人肩寒骨削、甩皮甩骨﹐但係你喺旺角行個圈﹐其實好多後生仔都唔係好得好多﹐雖然未至於肩寒骨削、甩皮甩骨﹐但係就雙目無神、油頭粉面、氣若游絲。如果香港喱班後生仔唔爭氣D﹐好快就唔會夠班國內嘅人鬥。
喱間波鞋鋪係喺花園街53號嘅允記。我以後一定唔會再去幫襯﹐不過我相信佢哋都唔 Care﹐因為大陸人會覺得 D 服務都OK﹐同佢哋家鄉嘅一樣﹐有親切感。
By 一點紅@沉睡森林
賓 said,
May 18, 2007 @ 12:07 am
因為大陸人會覺得 D 服務都OK﹐同佢哋家鄉嘅一樣﹐有親切感。
卡卡卡…..呢句最頂隱
木村 said,
May 18, 2007 @ 12:16 am
買波鞋去”芝加哥” 好D
魚 said,
May 21, 2007 @ 6:32 am
No！No！你錯啦，大6人依家既服務態度已經提高咗好多，大家都係中國，唔好咁講野～反而香港既服務態度我不予置評，（或者係有部分客素質唔好引致）但係有D sales眼角高到死，見到你著得光鮮就客氣。記得前年翻香港，我老公去旺角買野，佢係半個香港人，但佢D中文非常唔好，又唔識咁多香港文化，所以畀人冷言對待，最慘係佢都唔明sales講乜，激到佢死。（美國人既衣著都好casual，根本唔會好似香港人咁著到咁行。所以，嘓次之後到依家佢都非常唔中意香港，搞到得我自己一個人翻去，唉。
個人意見，不喜請勿見怪。
carlo said,
May 21, 2007 @ 2:19 pm
而家 d 人真係咁 ! 我上星期去豐 x 睇 lens , 果 sales 話 ” 數碼機用過喎 . ” ” 有咩想要我 law 比妳䏲丫 ” ……… ” 數碼機唔使菲林架 “……… wah ! 哥仔 ! 唔係咁丫 ma , 我玩 呢 d 野都十幾年啦 ! 我袋住果部萬幾蚊高清黎架 ! 不過我唔會話你知 , 無需要丫 !
後生仔 / 女 , 每個人都會老 , 唔使䏲唔起人既 !
亞瑩 said,
May 22, 2007 @ 7:33 pm
你好呀 !!
歡迎你去我個 blog 睇
雖然我唔識你
但大家可以交流一下
覆番你今次日記先
咁果間野個人都幾搞笑
係度做 但要問番其他人
先知對鞋幾多號
真係好唔掂 要背熟 d 幾號先得喎
雨彤媽 said,
May 22, 2007 @ 11:19 pm
首先要謝謝你來到訪我囝囝的ｂｌｏｇ！
你的ｂｌｏｇ好多樣化呀，一下子也很難讀得完！
如今的新一代沒有捱過苦，所以不會珍惜所擁有的，打工對他們來說只是交差，經常抱著東家唔打打西家的心態，一點也不尊重自己的職業，內地人就不同了，大部人均要離鄉別井工作餬口，一年來家人亦見不了幾次，明白什麼是辛苦，希望盡快賺一筆錢回鄉與家人團圓，自然會好好做好自己的工作，絕不會浪費自己的時間呢！
虛弱的啄木鳥 said,
May 24, 2007 @ 12:43 am
我自問..我諗我唔會比個賣鞋靚仔好好多..而且都係一名後生仔
但我覺得大陸人好同唔好都係一dd啦
有時行行下街…d大陸佬真係衝到你sor都無聲真係話衝就衝…完全唔駛理你感受…d女人著到成隻雀咁…講野又串,講到自己好巴閉咁…d鄉音都未戒,依d就不在話下
一係就囉(種援),攪到政府好似養佢咁,以前d人都係辛辛苦苦咁落黎…宜傢d人一個話黎十個話黎一鍋蜂咁黎,囉晒正牌咁黎,一黎到一生生幾鬥,成街都係大陸人,香港人又話生仔晒錢,生仔煩唔養,大陸人就越養越多,咁香港遲早咪大陸人多過香港,個陣真係正式回歸,唔係回比中國,係大陸
但有次我塔巴士上到車…我無散子…d人上車我一個一個咁問…好似無人so我咁囉..好無助…可能宜傢多騙子啦..之後一個國內既中年男人話:…兄弟…依面依面唔好阻住人上車…咁叫我過去啦…我開頭唔知做咩…之後佢原來搵緊散子比我…係我個時至覺得原來大陸人仲有好人..
(以上係我個人見解,有咩講錯請多多見諒,多多包容)
rachel said,
May 27, 2007 @ 4:15 am
hello:
好似我有時帶埋囡囡去行街買野,D SALE都好似覺得買唔起咁,可能佢以為我係”運吉”啦
毒蘑菇 said,
May 29, 2007 @ 7:45 pm
雖然知道改變唔到,但係有d人係唔炳唔鬆化!
joe said,
June 11, 2007 @ 4:57 am
我知道有絛岸9大陸仔 佢屋其收左過百對臭膠波鞋做收藏品 仲比D某某雜誌訪問 我知佢已為好醒 其實米糸岸9仔1名