有愛先有恨
今日有個同事突然問我，我 D 仔女仲有冇見我前夫，我話唔知呀，好似有啩？離左婚咁多年，從來冇反對過佢地見爸爸，只係佢地開始大，又同我住左咁多年，點都係見我多過見佢地爸爸架喇。初時我地分開既時候，佢地都有成日番去爸爸屋企訓一兩晚，但佢只顧自己打機，好少同佢地玩或傾計，慢慢佢地已經唔鍾意番去，而家情願留係屋企睇下電視或者同我去街，有時同 D 同學仔去下街，好少再番去見佢。連我媽咪過身佢都冇黎，反而老爺奶奶都有黎鞠躬上香。
其實同佢分開都咁多年黎，真係一 D 聯絡都冇，佢既生活係點已經唔想知。好記得我地分開係因為有第三者，而個第三者係我剛剛轉工時識既同事。佢知我結左婚亦有兩個小朋友，個陣我前夫因為怕我夜收工會駕車接我收工，而個女仔係住係公司附近，咁順理成章會車左佢番屋企我地先番屋企。
唔知幾時開始佢地已經一齊，當我發現到問我前夫，佢亦一口承認，當時梗係晴天霹靂啦。其實期間有另一個同事同我講過，點解我老公同個同事咁好傾，而我同我老公冇咩兩句，你唔怕佢地有野呀。我當時答佢，我同我老公不嬲都冇咩講，而且一個係我老公，一個係我朋友，唔會既，點知……
我 17歲因為有左個女嫁俾佢，到有埋個仔，唔經唔覺已經 7 年，冇諗過自己會離婚，當時好多人都講，佢會番黎我身邊，頭頭一兩個月都期望過亦等待過，期間冇做野，日日夜夜都留係房喊，仔女不嬲都係媽咪湊住，但個段時間睇都冇睇過佢地，咩人都唔想見，直到時間話俾我知佢唔會再番黎。而自己亦諗：就算而家離婚，都係得 24 歲，係咪為左一個已經唔愛我既男人去放棄自己？值唔值得？如果自己再咁落去，一對仔女點算？
結果我搵朋友介紹工作俾我，而我亦番爸爸媽媽屋企，同佢地講我要離婚，佢地冇問我任何野，只係話搬番黎囉，屋企有地方。當時個心好實，因為覺得好對唔住佢地，由細到大都唔覺佢地咁錫我，因為爸爸好鍚妹妹，媽媽就好錫哥哥，我排中間既冇咩人理我，而我為左另佢地注意我，我讀書俾哥哥妹妹好，行為亦俾佢地乖，但好似冇咩用咁。
直到生左個女，屋企人都唔知，媽媽黎醫院探我，我幾驚佢鬧我呀。點知佢冇不特止，仲問我有咩需要，聽日買俾我，我個刻先知自己錯。但爸爸就足足嬲左我一年，係自己錯，唔可以怪爸爸嬲。
有D 人聽到我既故事，會覺得點解我講到好似係人地既事咁，一 D 嬲呀激氣既感覺都冇？而我會笑住同佢地講，當你仲愛嗰個人，你就會好嬲會勞氣；當你放低左佢既時候，自己亦唔會有呢個人係心入面，有愛先有恨。既然我已經唔愛佢，亦唔會恨佢，所以我可以好似講故事咁講俾你地知。
人總要面對將來，如果當時我冇企番起身，可能已經自殺死左，一個人失意既時候咩都會敢做。但而家望番轉頭，慶幸當時冇死到，如果唔係我亦冇今日 - - 一個有對乖寶貝既媽媽，有一個自己既家庭，雖然唔完整，但可以話俾大家知，單親家庭都可以好溫馨充滿愛。
by 傻媽媽@沉睡森林
檸檸 said,
June 6, 2007 @ 2:54 am
哈佬`
我來也..”"
甘細個結婚..真係會令自己後悔的`
不過你也很好…你冇選擇落左個BB”!
我自細都係出身於單身家庭`
開頭我都唔明白..點解媽媽爸爸要離婚”
至少而家18歲…同媽咪傾計既時候*
先知道….原來當時點解佢地既選擇係離婚!*
哩一樣野`一直係我個心好多年了…
可能個時我好嬲..因為…我媽媽爸爸…
冇係我身邊照顧我!!
有等於冇…多得個時.如果唔係我婆婆養我`
我諗而家都冇可能係度講LEE件事LU,,^^
唔好意思…阻到你甘多時間”
阿 Chun said,
June 6, 2007 @ 3:03 am
平常心面對未嘗唔係一件好事
有人會選擇抹去悲痛的過去
有人會選擇接受不愉快的經歷
傻媽媽你定屬豁達的後者
不過,要用多少的時間才能平復過來, 就因人而異了
raymond said,
June 6, 2007 @ 3:12 am
講得好，我ｅ家就同你果時一樣，大但我肯定我諗既野一定冇你咁成熟同豁達，我都好希望做到，以平常心去面對所有不快．．．．希望可以透過你既故事學到更多野～！
飛天小醋 said,
June 6, 2007 @ 3:49 am
halo!nice to meet u!sorry,i can not read your passage now,because i got to seel now.chat to u then!
LokYan said,
June 6, 2007 @ 5:24 am
謝謝你再次去到我的yahoo blog呢^-^
很喜歡你所分享的事情….
但也feel sorry to you….
畢竟我也是female….
很明白你的感受….
但..你千萬不要放棄哦!
還有你的仔女呢!!
他們會永遠支持你的^-^
加油!!
ralf said,
June 6, 2007 @ 5:33 am
懂得放開就好喇,最緊要現在,將心機放存仔女同屋企人上,因為他們非常疼愛妳,我想妳應該知道!
其實很少數父母話只疼愛誰,相信妳父母不是這少數!
他們是全都疼愛!
Dennis said,
June 6, 2007 @ 6:20 am
HIHI~路過一下~
你過Blog唔係Yahoo嫁?
pao said,
June 6, 2007 @ 6:25 am
Thank you for coming to my blog. U are the first guest who left me message. i wanna write u a chinese message but sorry that i am not good at typing chinese.
glad to know that u are so positive!!! such a brave woman!!! my parents were separated when I was young, and my mum is the greatest mother in my heart!!!! i really wanna get a good job in the future and give her a good life in return.
U are a great mum too and ur children would know! they will give u the best in the future~ wish u all the best!
Jenny said,
June 6, 2007 @ 7:23 am
I’ve read several of your passages. I saw a tough, charming and wise lady!! Your comments on HK guys are cynical and yet they are facts!!!!!
渡渡鳥 said,
June 6, 2007 @ 9:21 am
多謝你的留言, 看到你寫的文章, 很感動, 不過人生是這樣的, 像一個五味架, 雖然你要在不好的經歷裡面去成長, 但請記著, 就是幾痛苦, 幾唔開都好, 總有過去的時候, 當暴風過後, 就會雨過天晴, 你說得對, 就是一個單親家庭都可以好温馨, 聽到你的故事, 因為能認識你而感覺自豪….你做得好好…..好叻女…… 在此祝福你毎天都活得開心…..
yi said,
June 6, 2007 @ 9:26 am
很高興你會參觀我既blog,看到你既文章,自己都有d黯然,曾經都係付出過7年既感情,亦都無諗過會分手… 雖然沒有小朋友,但他留下的卻是刻骨銘心的回憶,分開了半年,但有時總放不開. 有另一個很好的,但又偏偏要想著不好的…..很痛苦呢.
mandy said,
June 6, 2007 @ 10:39 am
那個不如意的過去已經成為你生命的一部分了，你便不會再因此而流淚。我以前也拖拉了7年時間，每次同人提起也不停地哭。去年我再次拍拖，與現任男友提起那時的事，我仍會哭。直至今年，我跟一班人說了我的經歷，卻沒有哭了。我知道我已被醫治，而男朋友說，那個經歷已經成為我的一部分，不會再因此而難過。
gremlinsyim said,
June 6, 2007 @ 10:39 am
WOW…你個blog好正,好多野睇呀…順便打個招呼…大家繼續交流交流..嘻嘻^^
gremlinsyim said,
June 6, 2007 @ 10:41 am
hello….唔係咁識回應你tim…哈哈…你個blig好正啊~.~
澤 said,
June 6, 2007 @ 11:22 am
多謝你黎我個blog”
你真係成熟呢”"
阿里巴巴 said,
June 6, 2007 @ 11:36 am
謝謝你探訪我blog,很高興認識你.
聽了你的故事便發覺你前夫真是……….,一個媽媽要照顧兩名小孩子是很辛苦.不過也是以前的事,現在最重要是你兩位小孩子健康地成長.
kathy said,
June 6, 2007 @ 12:45 pm
hello.,
點解你會知道我的 blog 架?!
傻媽媽 said,
June 6, 2007 @ 1:39 pm
好開心見到有咁多人回應我，好感動，等我每個都回覆一下先：
1. 檬檬：就算而家你問我有冇後悔，我都會答冇。條路自己揀既，唔可以後悔，自己應該對自己做既事負責任。我離婚既時候，個女先 4 歲，但都選擇講俾佢地知發生咩事，唔想佢地對父母有任何猜疑。不過你父母選擇係你懂事既時候講俾你知，一定有佢地既原因。
2. 阿 Chun：你講得0岩，我其實用左唔係好多時間去傷心，因我有兩個小朋友要照顧。但老實講，試過同其他人一齊，但就好怕會分開。好怕再受傷。
3. raymond：感情冇話邊個對邊個錯，兩個都有負任，只要自己多 d 係人地既角度諗下，一定會發現另一個答案。
4. 飛天小醋：Nice to meet u too! Wait for your share.
5. LokYan：我一定唔會放棄，我會為有呢兩個小孩子為榮架。
6. ralf：你講得0岩，但當我發覺父母其實一直都對我不離不棄既時候，佢地亦已經離開左我地，呢件事先係最令我感到後悔既事。
7. Dennis：我個 blog 係 yahoo 架，可以去睇睇。http://hk.myblog.yahoo.com/eve-blog
8. pao：thanks! 可能我 d 小朋友仲細，未識得諗大個左會點對我，而我亦成日同 d 仔女講，將來我冇諗過要你地養我，但最少要養得起自己。父母其實對自己小朋友唔會有太多要求，只係希望佢地有好既將來。俗語都有講：養兒一百歲，長憂九十九。
9. Jenny：冇錯，呢個係每個地方既問題，無論你身處係咩國家咩地方，一定有呢種人。自己亦只可以帶眼識人。
10. 渡渡烏：多謝你既祝福。人一定係一 d 艱苦既路上先會醒覺，我亦是其中一個。
11. yi：有時做人真係要好理智，別人點同你分析討論都好，自己總有自己既一個想法去辯駁，因為你心中仲有佢既存在。人同人比較，永遠冇十全大美，自己去諗人唔好既時候，都問下自己其實係咪真係咁唔好呢？自己係咪真係接受唔到呢？試下放開 d，時間會話你知答案。
12. mandy：冇錯。7 年唔係一個短時間，要忘記真係好難。你男朋友真係好好，我相信係因為佢而令你痊癒，珍惜佢喇。
13. gremlinsyim：多開心有人欣賞，thank so much! ^.^
14. 澤：人會大，眼見仔女慢慢長大，知道自己唔可以停留，亦要去轉換一下自己既諗法，因為今年快要 30 歲，要成熟架喇。
15. 阿里巴巴：佢有 d 咩不是已經唔重要喇，不過亦係佢令我明白到，原來有人真係可以咁絕情，咁不負責任。亦係佢令我長大，唔可以活係一個童話故事裡面。
wendy said,
June 6, 2007 @ 5:59 pm
黎左喇～
有愛先有恨，你說得對！今天你能把這個故事說出來，代表你已放下以往的事，對嗎?
很發人深醒呢！
努力去面對將來吧～ fighting!!
lok~ said,
June 6, 2007 @ 6:23 pm
你的sharing 的確很有道理~~!!感覺是一個很有人生經驗的人~~很喜歡你的blog~~再放表多些給我學習學習吧
家喵 said,
June 6, 2007 @ 7:08 pm
經歷是人生必需的, 開心故然好, 但傷心亦都能讓你成長!
好好珍惜愛護你的家人、朋友呀~~~
agreed said,
June 6, 2007 @ 7:44 pm
The middle children always lack of love from parents.
I have the same case of you. Try to get attention but doesn’t work.
Now I move out.
小冰~^^ said,
June 6, 2007 @ 7:57 pm
HIHI..好開心認識你..你是我的新BLOG第一個我認識的人新朋友,多謝你對我的回應
其實你的故事也是我很多朋友冇個的故事….大不同是每個人要真正面對時會係点樣呢??會叫故事的結尾也大大不同..可以是快快樂樂的生活下去的會有多少個呢??不過我相信你也花了不少氣力不少時間去放低吧!!
希 said,
June 6, 2007 @ 11:00 pm
好高興認識你呀…
其實做人最重要係放得低…放唔低，就算有命有財產有事業等等…大概都只係會唔開心一世吧…
希 said,
June 6, 2007 @ 11:01 pm
唔記得打翻我個 BLOG 網… ^^”
http://hk.myblog.yahoo.com/rain_francine
cora said,
June 6, 2007 @ 11:05 pm
哈 我系細路女
唔明大人既事
不過我好佩服你
你好堅強呀
咁後生就生仔
但系咁後生就離婚
其實你當初有冇想過挽留呢段婚姻呢??
我咁細….真系唔系好識野
問咁多野 明知你系唔會答我
我之前淨系識得恨拍拖
睇完你呢篇野
先發現原來我既想法系錯晒既
多謝你既分享呀!!!
蕉 said,
June 7, 2007 @ 12:09 am
呢度個的entry係咪都係你地的真人真事?
通 said,
June 7, 2007 @ 12:14 am
人生既故事，各人不同，但可以同你講，行得走得，大小便正常，已經係一種褔氣。努力！人生沒有黑暗，只有與光近遠之別。
詩嵐 said,
June 7, 2007 @ 2:44 am
我覺得你好有勇氣~~好叻~~
唔開心既事,唔好諗啦~~
希望你和你家人..仔女..永遠都開開心心~~
我真係好鐘意睇你個blog!
檸檸 said,
June 8, 2007 @ 11:12 am
唔知點解….每個人都會睇錯我的名字呢?!
>_
OnoN said,
June 10, 2007 @ 12:42 am
I do agree that family will always be here with us whenever we need them! I love my family alot!
candy said,
June 10, 2007 @ 1:23 am
hihi 你好呀 第一次黎你個blog 你個blog好正呀 好多野睇 我會多d上黎架啦 其實咁多篇野係咪都係你自己既事黎架~?
落花流水@沉睡森林 said,
June 10, 2007 @ 3:40 am
Candy: 我們這裡有好幾位作家﹐我相信絕大部份文章都是親身經歷來的。
Leafy said,
June 10, 2007 @ 5:18 pm
Hi, thx for visited my blog and I’m visiting your Blog too….surprised that you are a adamant girl! wishes to you^^
唐老鴨媽咪 said,
June 10, 2007 @ 11:35 pm
謝謝你探訪我blog,很高興認識你.
我同你一樣的過去,我再結婚了,不過還是好悲哀呢…
josephine said,
June 11, 2007 @ 12:47 am
你真係好叻呀,好勇敢呀,我都好佩服你呀,你仲要有仔女帶住係身邊,真係辛苦你,我好睬無仔女咋,如果唔係就慘啦
那人 said,
June 11, 2007 @ 8:28 am
幾有人性的文章, 娓娓道來, 別有風味……
有幸看到你寫的文章, 很多謝你的邀請.
贞贞. said,
June 15, 2007 @ 4:29 am
谢谢.你去我的BLOG ..
看了你的文章我很震撼噢..
真不敢相信这是你的.亲身经历..
你很坚强.
现在我也是为感情烦恼中.
我相信我也会从中走出来的..
有空去我BLOG吧..
yiukaki said,
June 17, 2007 @ 5:41 am
哀莫大於心死,這話應棍了~~~~~~
繼續走下去吧~人生就是這樣!!!
incomplete said,
August 4, 2007 @ 1:10 am
莫講話 24 歲, 如果感情不再, 即使 42 歲 也要離開… 一個家庭是否開心愉快, 並不是取決予單親定雙親, 而是取決予彼此還有沒有”愛”…