挽救
之前 post 左一篇文章關於”有愛先有恨” 既文章，有位朋友留言問我有冇曾經挽救過呢段婚姻？7 年婚姻喎，如果我話冇，都冇人信啦，而令我決定離婚，亦因為佢一番說話……
記得當我有懷疑而去問佢既時候，佢一句隱瞞都冇，仲大大方咁承認添，當時我第一個反應剩係識喊，一路喊一路問佢打算點，佢冇答我，剩係話遲 d 先話我知。因個女仔同我係同事，我番工第一眼見到佢，我冇出聲，佢不停同我講野我都冇睬佢，直到大家食飯時間，我同佢第一句說話係：我知道晒﹗
個女仔初時呆左，跟住跪係我面前就不停喊，不停同我講會離開佢，我亦不停喊，我都唔知同佢講咩好，而我亦辭職，一方面唔想日日對住人黑口黑面，人地問多我兩句我就喊，另一方面我唔想對住個女仔。
後黎我前夫好多時都唔番屋企，番屋企就好似當我透明咁，個心好痛。試過一次佢想出門口，我拉住佢唔俾佢走，佢講左句：你好放手喇，唔係我打你架。當時我諗，你唔會真係打我既，所以我冇放手，但冇諗過佢真係打落黎，打我到叫停，而佢亦走左。當時我喊左一陣，好驚佢番黎又打我，所以我去左一個中學同學屋企。去到個同學屋企，傾傾下計佢知道我有問題，想拉我入房傾，但佢一掂我隻手我即刻大叫，因為好痛，結果俾佢地屋企人知道我俾我前夫打，仲見到我兩隻手臂都瘀晒，佢地建議我報警，但我冇，你地一定覺得我點解冇咁做，好簡單，因為仲愛佢，仲想俾機會佢。而我亦相信好多女人喺嗰刻都會好似我咁…
後黎番到屋企我冇講任何野，佢亦唔知我出過去。慢慢咁過左一個月左右，期間我冇理佢有冇番屋企，亦冇理佢有冇去個女仔屋企，更加冇逼佢選擇。點知有一日佢番黎同我講：不如一、三、五陪我，二、四、六就陪個女仔。我當時好嬲，心諗而家究竟當我係咩？我先係你老婆，咁星期日去邊個度呀？？結果我打左佢一把，跟住同佢講，離婚啦﹗就係咁，我就自己去法緩申請單方面離婚，而我亦冇要佢一分一毫贍養費。
講到呢度大家都知結果啦，係咪好似一個大悲劇咁？其實都唔係既，一個人既經歷越多成長得就越快，條路越崎嶇，自己既勇氣會越大。有時候自己唔如意既時候，會諗番自己以前呢段經歷，就會覺得相比之下，而家算咩事姐，咁難既關都過到，有咩難到我？係咪好阿 Q 呢？
所以當大家覺得好慘好失意既時候，諗下呢個世界上可能有人俾你更慘更失意，你就會覺得自己其實唔係咁慘架喇 ^.^
by 傻媽媽@沉睡森林
小蟬 said,
June 8, 2007 @ 5:11 pm
無意中發現妳這個blog, 第一次來, 就看了這個故事…. (真的很像故事情節 , 果然是人生如戲, 戲如人生) 看完有點唏噓.
妳也真能忍耐, 可以容忍一個打女人的男人, 還期望他會回頭, 繼續愛他 (當時)…..
唉~~~~
希望妳能繼續找尋到妳的幸福~ ^^
小蘇菲 said,
June 9, 2007 @ 12:53 am
很欣賞你勇敢面對,希望你早點找到個安全而又幸福的窩!!
WOOD said,
June 9, 2007 @ 1:29 am
被人打一次唔好再被打第二次…每個人都有經歷..每一次唔如意事情係都會有受用..要開心過每天…
詩嵐 said,
June 9, 2007 @ 3:16 am
我覺得你好勇敢呀~~
一直睇呢個blog
最後的我 said,
June 9, 2007 @ 6:55 pm
睇咗你個BLOG之後,真的覺得你很勇敢,你年紀仲咁細,好識諗呀…
好憎你前夫,男人真係唔應該打女人囉,冇咗佢係你既幸福,好多謝你
邀請我到呢個BLOG,我會繼續睇架,THANKS
無聊人 said,
June 9, 2007 @ 10:27 pm
HI!第一次嚟~我會一路睇ga!
choco said,
June 9, 2007 @ 11:53 pm
hi~ 為自己而活, 支持你~
Box of hope said,
June 10, 2007 @ 1:44 pm
不要難過，最辛苦的日子已成過去，日子一定會一天一天的好起來。
努力 ~
Trerri said,
June 10, 2007 @ 3:22 pm
HI,很高興你來看我的Blog，同樣，我亦很高興可以來看你的Blog，在看完你這篇挽救，覺得你很勇敢，我深信你將來一定會過得很幸福，一定會苦盡甘來！
柔柔草 said,
June 10, 2007 @ 3:33 pm
或者正如圖片的一樣，結婚就好像一個枷鎖，如果扣不住大家的心，到最後, 這個枷鎖只會讓自己的心受傷，是刻骨的、是痛心的‧‧ ‧
時間是最好的治療師，希望時間會給你痊癒….
我只是知道不能改變的，只好接受!!
佩服您，堅強的人。^^
恐龍 said,
June 10, 2007 @ 3:35 pm
你真的好勇敢! 真的冇人會想到曾經深愛的會如此對自己, 我都覺得女人點都可以忍(自問都係為所愛容忍力極高的人)，但如果動手打女人的就真的心死了! 你能支撐過去真的了不起!!!佩服佩服!!!!
杜比仔~ said,
June 10, 2007 @ 4:57 pm
hi~你黎我blog留言我好開心呀~我都係第一次黎你個blog~我覺得你寫得好好呀~繼續寫多d好野俾大家睇呀~得閒黎我blog~大家互相交流下~
HIU蚊 said,
June 10, 2007 @ 5:42 pm
你來我的BLOG留言,我也給你留言!^^
你好勇敢呢!不過你不要太傷心喔!
要開開心心地過一天喔!
sUP*
我會常常來的喔!
HAPPY!
iris said,
June 10, 2007 @ 8:52 pm
你好呀~多謝你來我的blog…..做女人真係一d都唔容易.一起加油啊!
鴨仔 said,
June 10, 2007 @ 8:55 pm
傻媽媽，加油啊！好多人其實都有同類經歷，記住你並不孤獨的呢！
anpanman said,
June 10, 2007 @ 11:29 pm
多謝你誠意邀請啊,琳琳! 你的blog內容很豐富,我會慢慢細閱欣賞!
josephine said,
June 11, 2007 @ 12:30 am
我同你都差唔多呀,都係結左婚七年,而家都係攪緊離婚,亦都覺得好慘,不過好睬就係,佢無打過我,仲同我係埋一齊唧二十年都一直對我咁好,但原來一個人要變,真係可以變得好恐佈,唔會理會有幾多年感情,唔會理會你唧感受,得閒就去我個blog睇下,就會知道一切
http://hk.myblog.yahoo.com/speedshan198200/
bebe媽 said,
June 11, 2007 @ 1:44 am
其實這一類既case真係有好多,你既決定是須要勇氣,你好叻…其實既然對方早已變心,免強一起都係只會痛苦,當然講是理所當然,要做到你這樣有分開的決心真係好難…但唔開心既事是總會過去的,祝你可以找到”對的人”.
未醒 said,
June 11, 2007 @ 5:04 pm
你的事令我想起自已和你好相近，但不同的是我40歲冇做嘢仲要照顧個仔，好想等佢有朝一日返嚟同我一起生活！因為我仲愛佢！
ahoo said,
June 12, 2007 @ 7:03 pm
我最憎d男人打女人….
你好勇敢啊….勉强無幸福….
祝你以後會開心過每一天
Y.Y.C.c said,
June 14, 2007 @ 12:20 am
傻媽媽好勁… 離婚不是錯的…支持你! 連”恨”的情緒都不用浪費在前夫身上.
chris.. said,
June 15, 2007 @ 9:52 pm
你做得好岩呀…
咁既男人…
要唔要都把啦….
joey said,
June 16, 2007 @ 10:46 am
多謝你給我睇你的blog 睇左這一段 我好有感覺 因為我也是一個這樣的女人 呵呵 但我沒有這個女人咁勇敢 因為我可能真的太深愛我老公 我唔想逼佢 因為我知道越係逼佢 佢越會憎恨我 所以我寧願 係到等佢回來 因為可能我還未學習 怎樣可以放棄佢 但都要多謝你一聲 thx
sinla said,
June 16, 2007 @ 4:30 pm
┌”,过往云烟.,记忆的线不允许缠绕支离破碎!!!．人都系要开心点过．．．
國寶 said,
June 16, 2007 @ 8:06 pm
你真勇敢, 因為你還有勇氣面對! 若我是你, 我只懂得哭! 你看看我的blog吧, 可能你會覺得我很傻 ……….. 嗯! 我也不想再這樣, 這半年我的心情沒有好過, 還愈來愈瘦! 我一想起便哭, 一看見他我的眼淚又來了! 嗯! 真是沒有用!
Kelly said,
June 19, 2007 @ 7:56 am
我同男友現在概關係, 唉~~ 又係食而無味棄之可惜! 食而無味係他對我已經不好了, 棄之可惜只係我還念在2年幾概感情!
incomplete said,
August 4, 2007 @ 12:53 am
妳損失的… 只是一個唔愛你既人…
而佢損失的 … 却是一個愛自己既人…
其實… 美好既愛情, 婚姻甚至是家庭, 從來都不是 ‘must’, 而是一個 ‘gift’… 做到珍惜便可… 實在無須強求呢…