十年
無線晚上十點半有個節目《十年》，有幾集自己睇到都覺得好感動。十年時間，話短唔短，話長唔長，但發生係每個人身上既事就好唔同……有幾集令我覺得特別深刻……
農場餐廳—— 十年前有 48 間，一場金融風暴令到老闆破產，亦令佢一家人由山上搬到山下，而且越搬越細，妻子兒女無怨無悔，而且默默咁支持佢。而佢亦係一個積極樂觀既人，今日既佢冇俾佢既過去打倒，仲決定東山再起，呢種精神係而家呢個香港，有幾多人可以做到？
樹仁大學—— 係呢一集裡面，感受好深，一對夫婦有共同目標，為左目標，傾家蕩產，搬到學校住，而且咁多年恩愛如惜，呢個世界上仲有幾多？十年後佢地終於可以由學院升格為大學，對佢地黎講真係一個好好既恩賜，亦可以話今生無悔。係電視裡面見到校長坐係輪椅度，校監從旁照顧，雖然大家都知道佢地係夫婦，但先生會稱呼太太為”校長”，呢種相敬如嬪既態度，呢個世界已經好難搵到。而每個學生對於校監校長亦好感激尊重，睇番今時今日既學生，尊師重道呢個道理唔知有幾多人識。
沙士—— 4 月1 日，如果我問你係咩日子，相信好多人會答，愚人節或者係哥哥張國榮既死忌。但如果問你既係 2003 年 4 月1 日係咩日子，相信未必好快咁想得起係咩日子，一場世紀疫症就係呢日發生。係呢集裡面訪問既係高永文醫生，佢講起當年種種既事，當年佢身負重任，決策好多事情，而每一個決定都可能會關乎到香港人既性命。將淘大花園 E 座居民遷移隔離；唔準探望沙士病房既病人；每日開會想 D 解決方法，但對於佢黎講，最沉重既係每日番工，收到受感染同死亡數字入面，有幾多自己既同胞。沙士一疫之後，佢決定重回前線，希望可以更直接去幫病人。
以上幾集係我感受最深最 TOUCH，特別係樹仁一輯，見到佢地兩夫婦互相扶持，相親相愛既場面，個心真係好暖。睇番自己呢十年，雖然婚姻失敗，一個人撐起頭家，經濟環境又唔好，曾經諗過搵多份工等自己可以輕鬆 D，但唔想陪仔女時間太少，怕佢地覺得我唔理佢地，情願慳 D 用，都想陪多D佢地，好彩佢地又成性，冇怪冇咩零用錢俾佢地，有時候佢地會俾番我添，話之前有儲起 D ，見到佢地咁乖，希望過埋呢幾年， D 欠債還完，可以同佢地去下旅行。
知足常樂係我既座右銘，只要有恆心有信心，好多事一定可以捱過既，希望黎緊呢十年，搵到一個願意陪我渡過下半生既人，雖然曾經失敗，但仍然憧憬自己有一個美滿既家。
by 傻媽媽@沉睡森林
落花流水@沉睡森林 said,
June 28, 2007 @ 1:08 am
看完你的文章﹐看罷你的10年﹐令我覺得我平時遇到的挫折真是無病呻吟。我相信以你的性格﹐你一定會找到個配得起你的人。你的子女必定以你為榮。讓我也寫一篇 “十年回顧” 來分享下先。
無名 said,
June 28, 2007 @ 1:49 am
我係一個土生土長的香港人，我地有一個免費網球訓練班，如果你d仔女想學網球，你幫佢地報名吖，暫時仲有位，等佢地暑期開心下吖
怪人@沉睡森林 said,
June 28, 2007 @ 6:33 am
只要有恆心憧憬會成真,雖然大家唔識,但係睇完你o既文章都好想做一份支持。加油吧!!!!!!!!!!!
人在北京 said,
June 28, 2007 @ 1:25 pm
“危”一过，“机”便来。
事在人为，相信妳的明天一定会很美好!!!
Lisa said,
June 28, 2007 @ 2:29 pm
與傻媽媽一樣，婚姻失敗，一個人撐起整頭家，包括父母及小兒；因「愛」他，反令自己欠債累累，最後得到的，原來他不愛我。長期處於貧窮線以下，希望再過幾年，還完自己的愚蠢欠債，可以給小兒去學學一些興趣班，再去一下旅行。
很贊成做人要知足常樂，而我亦抱著這個心態生活，只要我有手有腳，生活一定會好過；另外，開心與不開心都要生活，我不會 “搵自己笨”，我選擇開心的生活，因兒子沒有“責任”要睇“我的面色”做人。
慶幸找到一個「暫時」很樂意照顧我和兒子的人，未來10年，希望他願意陪我渡過下半生。
我都一樣，雖然曾經失敗，但仍然憧憬自己有一個美滿既家。大家一齊努力。
malin said,
June 28, 2007 @ 5:23 pm
農場餐廳…….我係細路但係都知佢係好風光
樹仁大學…….係一間有情o既U 但係我地呢一輩根本就無咩人想讀個個都想讀hku,cu之類的famous學校.我認為每一個物件都有their own story但係呢就未必有人好#我地咁細味每一個story
沙士…….呢個對我果一年六年級畢業o既人黎講好大感觸因為大家期望o既camping無得去.命另外又怕電視機會突然話某某同學仔中左sar
十年……佔左我大半人生……生離死別都有過..話灰又唔太灰…………唉……………….十年有時長又有短……………
快地 said,
June 29, 2007 @ 10:12 pm
十年香港真係發生左好多野
YYC said,
June 30, 2007 @ 9:57 pm
雖苦, 卻是難得. 你的孩子必與別的溫室小孩更強. 身為媽媽的你有這麼懂事的孩子, 是這十年內的大豐收吧? 加油!!
tony said,
July 7, 2007 @ 2:55 am
10年，好難忘。之后，好期望。明天會更好。
小烏龜 said,
July 12, 2007 @ 9:31 am
樹仁大學——好touching!