環保
香港呢幾日真係熱到死，地球呢個溫室效應越黎越嚴重，地球暖化亦明顯感受到。世界各地唔係水災就熱潮，差唔多日日新聞都講到咩咩國家有熱浪，有幾多人熱死。
記得以前讀書，未到 7 月暑假都唔會約同學去游水，因為都唔覺得話好熱，呢幾年，我個女未夠 6 月就已經問我可唔可以去游水，真係有 d 誇張。
環保團體不段咁做好多野想令大家明白氣候暖化既嚴重性，但大家都好似冇咩實際行動咁。有時係街上面見 d 人開口埋口就話環保，但一 d 都唔覺，因為仲見到佢地拎住一袋二袋既膠袋，BYOB 呢個字，好幾年前已經知，但冇人會用，因為個陣 D 環保袋真係幾老土。
我自己都係呢四、五年開始用環保袋，一來覺得用一個袋載晒 D 野易拎 D；二來真係覺得環保既重要性。亦想仔女可以學下，有時候叫佢地買野都唔好拎膠袋，拎番黎隨手已經掉，咁拎黎仲咩，用手拎住番屋企都一樣姐。
而且幾年前我先識用環保袋，氣候問題仲未咁嚴重，睇下今日已經去到咁既地步，但有幾多人意識到個問題嚴重性？係咪要身邊既人中暑或者熱死，D 人先識驚？有 D 人話呢 D 咁多年後先發生既問題，諗黎做咩，可能到時都百年歸老啦，睇鬼到咩。係，你0岩，但有冇諗過而家 D 細路呢？可能自己有細路，唔想見到佢地將來會受苦，而呢 D 苦既製造者，可能係自己父母。身為父母，真係忍心咩。
香港政府有努力，但唔積極。睇住呢個俾人鬧一鬧做一做既政府，真係幾心淡……
by 傻媽媽@沉睡森林
傻狼 said,
August 1, 2007 @ 10:52 am
環保是要付出代價的，而且往往要比不環保付出更多，尤其當環保與經濟有所衝突時，以當今人們以經濟掛帥，會有多少人真正的用心去搞環保這東西？！
Asuka said,
August 1, 2007 @ 5:04 pm
環保其實都可以創造好多經濟利益，完全在於D人點睇。D人唔肯去改變自己既舊有想法先會唔去投資落環保。危機危機，有危就有機。人類有史以來面對過無數大危難，都一—化解，都係因為人有高於其它動物的思考同學習能力。環保其實可以好易，好多錢搵。
流浪 said,
August 2, 2007 @ 9:50 pm
你對大陸的想法真的與我一致，係呢，有個題目你應該寫：八榮八耻
http://indyl2007.mysinablog.com/index.php?op=ArticleListing&postCategoryId=82155
我的神州遊記
阿乾 said,
September 3, 2007 @ 10:59 pm
您好，
感謝您造訪低碳生活部落格，
在環保袋的議題上，有時除需政府的配合外，
還須要有更多單位來喚醒民眾的自覺。
像台灣原本是已全面禁用塑膠購物袋，
但引來的民怨實在太多，
現在只有大型超商如7-11仍依法行事，
其他High street的店家仍照用塑膠袋，
政府則是睜一隻眼閉一隻眼。
政府有選票壓力，
處處怕得罪民眾，
有時反而不是件好事。