感受
之前出左篇文章，係講下我媽咪因為癌症離開我地既時候既感受，但見到有人回應既時候鬧我，初時覺得好奇怪，我曾幾何時有得罪呢個人呢？點解佢會鬧我既？後黎睇番前因後果，先知道發生咩事……
其實，咁樣俾人鬧覺得真係幾無辜架，但見到好多人幫我抖正番嗰個人，自己亦覺得算了。但都希望每個人可以睇清楚先留言，避免不必要既誤會。因為我覺得佢咁樣去鬧一個人，知唔知道會好傷害人？雖然佢係鬧錯我，但我睇到既時候第一個感受真係好 HURT，大家都知道我身為一個單親媽咪照顧仔女既難處係邊度，突然之間俾人話呢 D 就叫報應，嗰一刻真係幾難受。媽咪離開左已經令我地好難過，但仲要俾人講到好似係我做錯野而令到媽咪因為報應而突然咁離開我地，個一刻真係好唔開心。但本人亦好明白，一個人係勞氣既時候，係會幾盲目咁去做一 D 傷害人既事，但每個人做事都要向自己既行為負責。
事實上，“沉睡森林”只係一個俾D有興趣寫作或者想表達一下自己所見所聞感受既平台，每一個人都可以表達自己意見同感受，當然，有 D人說話會偏激左，亦會傷害到人，但都希望大家可以平常心，做人做事都唔可以太衝動，唔好為自己一句說話令到自己日後後悔。
今日既因，明日既果，我信架，所以我做每一件事都會好小心，最起碼都要過得人，過得自己。
by 傻媽媽@沉睡森林
Ngus said,
August 23, 2007 @ 12:02 pm
雖然還沒有看過你之前的文章，不過無論如何我明白要獨立肩負起一個家庭所需要的負擔和勇氣。
所以，你要加油呀！！
至於因果的事，既然知道了，也許終有一日，能化干戈為玉帛呢！
希望大家和和氣氣！
Zoe^.- said,
August 23, 2007 @ 2:24 pm
其實每個人都有自己嘅睇法,最重要係o係表達嘅時侯唔好傷害人同埋尊重人….
傻媽媽,你要加油呀!