與小子談台獨
小子﹕一點紅哥哥﹐台灣陳水扁今日發表講話﹐話明年總統大選要順便公投埋以台灣名義入聯合國喎﹐你點睇呀﹖
一點紅﹕無乜點睇嘅﹐佢鍾意講乜都得﹐最緊要係會唔會通過啫。
小子﹕咁你覺得佢點解成日都想搞台獨嘅﹖
一點紅﹕哦﹐一個人戀棧權力﹐就會想連任﹐連任完又唔捨得走﹐就唯有做D嘢名流青史囉。而且台灣中部同南部D民眾好單純﹐陳水扁利用台獨嚟拉選票啫
小子﹕咁你認為台灣會唔會獨立呢﹖
一點紅﹕我覺得唔會﹐亦都唔應該。首先﹐台灣人民好大部份係由中國去嘅﹐當中亦有好多人有親戚朋友係大陸﹐如果台灣宣佈獨立﹐大陸一定會派兵打佢﹐都時親戚朋友兵戎相見﹐所以台灣人民一定唔會支持。況且有邊個想打仗吖﹖台灣有調查過﹐支持台獨嘅人好似唔夠30%﹐所以唔會獨立。
小子﹕咁點解台灣唔應該獨立呢﹖
一點紅﹕學大陸話齋﹐“台灣係中國不可分割的一部份” 。查番歷史﹐台灣早係幾萬年前已經有人類嘅蹤影﹐到咗元朝被納入福建省泉州府嘅範圍﹐可以話係最早有歷史嘅管轄證據。到咗1604年﹐荷蘭人攻佔台灣﹐明朝廷派兵驅離逐荷蘭人﹐後來荷蘭同西班牙分別進佔台灣﹐最後鄭成功係1661年成功收復台灣。由嗰陣開始﹐台灣就俾鄭成功嘅政府管治嘞﹐一直到1683年﹐鄭克塽向清朝投降，結束鄭氏三代係台灣23年嘅統治。就係咁﹐台灣就一直俾清政府管理﹐成為中國其中一個行政區嘞。後來馬關條約將台灣割咗俾日本仔﹐二次大戰後﹐又論到國民政府管理﹐直到宜家。
小子﹕咁睇落台灣又真係幾似中國一部份喎。
一點紅﹕梗係啦﹐所以台獨就唔駛諗喇。
小子﹕咁你覺得台灣應唔應該回歸祖國呢﹖
一點紅﹕我覺得應該﹐而且一定會發生。你睇香港、澳門都已經回歸咗﹐台灣將來都一定會回歸架喇。可惜鄧小平死得早﹐唔係搞掂埋台灣就好喇。
小子﹕你估要幾耐呢﹖
一點紅﹕咁講真﹐要回歸唔係一時三刻可以做到嘅﹐起碼兩方面都有人肯傾先得架嘛。香港由中英聯合聲明到回歸都15年啦﹐出年如果小馬哥贏咗﹐可能20年30年左右啦。
小子﹕但係D台灣人咁唔鍾意大陸﹐點會俾你回歸呀﹖
一點紅﹕喱個問題就唔到我地諗喇﹐等北京自己諗掂佢啦﹗總之第時去台灣唔駛攞台證就得啦﹗
by 一點紅@沉睡森林
Peter said,
September 12, 2007 @ 7:46 pm
客觀係最好不統不獨!
主觀係台灣想獨!
大陸想統!
我睇拖到我個孫個孫都唔會睇到有乜結果!
到有結果時又係出人意表!
manfung said,
September 12, 2007 @ 9:03 pm
一點紅兄: 我絕對反對台灣獨立，因為所謂獨立只意味著被列強 (日本、美國) 所吞併。翻開近代歷史，別國常以幫助他國獨立為名以行兼併之實。例如: 1874年，日本出兵台灣; 1879年，日本將所佔的琉球改為沖繩縣。1875年，日本派軍艦在朝鮮沿海游弋，挑起事端，於次年強迫朝鮮訂立《江華條約》，承認朝鮮為自主國，名義上似為尊重朝鮮之獨立，實則旨在否定清廷對朝鮮之宗主權。1882年，朝鮮發生「壬午兵變」，清廷派兵赴朝鮮平亂，日本也藉口保護僑民而出兵，並迫使朝鮮簽訂《濟物浦條約》，取駐兵朝鮮的權利。從此，中日兩國均可在朝鮮派駐軍隊。
《江華條約》表明朝鮮應獨立於清廷之外成為主權國，但實際上則是要朝鮮脫離中國以傾向日本; 《濟物浦條約》則明目張膽地「干涉別國內政」，以求駐兵朝鮮從而為侵朝侵華作準備。
所以，我肯定今天台灣的獨立只會為強國吞併的肥豬肉，從而形成圍堵中國的重要棋子。
人在北京 said,
September 12, 2007 @ 9:11 pm
人要臉樹要皮，作為中國大陸啲話事人當然唔希望睇到台灣另起爐竈響度搞風搞雨。不過北京家陣又吹台灣唔脹，台灣若繼續咁寸落去，北京選擇打或唔打都系一件頭痛嘅事情。依味嘢一處理得唔妥當，睇番依邊嘅軍事實力，打起仗嚟就馬交煩，相信到時台灣一定玩完，北京也會傷痕累累……
Alex said,
September 14, 2007 @ 7:58 am
台灣事實獨立是真, 未來要尋求的是打破中國打壓下的法理獨立.
想當初, 美國獨立時, 全世界只有法國一國承認(英法兩國是死對頭), 過了數十年後才約25國承認, 所以台灣人只要不放棄, 完全獨立的夢想一定可以達成.
中國前陣子想利用施壓南韓籍的聯合國秘書長”偷渡”所謂”台灣是中華人民共和國”的說法, 已正式遭美國政府及日本政府, 加拿大政府的嚴厲反對(參見聯合國公報等), 這些新聞大概在中國(包括港澳)看不到吧!
台灣是小國, 但綜合實力其實並不弱, 善用大國間的矛盾, 並把握日本新生代急欲國家正常化的契機, 仿傚中國利用施加美國來反台獨的方法, 日後利用中國與日本的不信任, 反操作讓日本去施壓美國來壓制中國, 達到三邊的”恐怖平衡”, 是今後台灣外交的努力方向.
小國有小國的生存之道.
Alex said,
September 14, 2007 @ 8:02 am
sorry, 打字太快, 更正
中國前陣子想利用施壓南韓籍的聯合國秘書長”偷渡”所謂”台灣是中華人民共和國”的說法
為
中國前陣子想利用施壓南韓籍的聯合國秘書長”偷渡”所謂”台灣是中華人民共和國的一部份”的說法
(part of People’s Republic of China)
Sunny said,
September 22, 2007 @ 11:07 pm
自问我噶历史学得唔算太好，X科专业我都系捡佐历史。而系学习过程中政府干预等等好多因素导致书上所讲述噶历史并非真实噶野，我E家从事噶职业亦同历史无直接噶拉愣，真正要讨论噶也亦都系永远都争唔完噶。不过就我对o甘多年来噶感受，唔用官腔讲翻句：台湾自始至终都系中国领土噶一部分。就算台湾当局者如何千方百计想分裂，作为阿妈噶就算个仔点样唔生性点样顽劣，都唔会放弃距。
貓空子 said,
October 1, 2007 @ 12:13 am
台灣早就是政治獨立的實體, 所以早就沒有獨與不獨的問題,現在最大的爭拗點是法理台獨的部份. 兩岸兩國也是愛面子的民族, 很難妥協.
這是連我們這一代也解不開的結, 所以… 還是維持現狀,不統不獨的好!! 咁就大家都唔使煩, 台灣繼續”發展”經濟和科技研發, 大陸就繼續”搞”經濟和”搞”航太. 咁咪大家都唔使嘈囉! :p
慘 said,
November 17, 2007 @ 8:52 pm
台灣獨立,中國打.吞並台灣,兩敗俱傷.中國內亂,國際施壓,顛覆政權.