責任
呢排雖然忙，但都有留意新聞，點解仲有 d 父母仍然可以咁狠心，由得一個5 歲既小朋友係屋企，疏忽照顧兒童既新聞近呢一年成日都聽到，好彩既就冇事過一日，有起事上黎，人命黎架；有個仲衰，生出黎之後就掉左佢，不管佢生出黎之前已經夭折定係生出黎之後先死，都唔應該就咁掉左佢架，身為父母既，唔通真係一d 感覺都冇？良心真係過得到？睇到呢 d 新聞，個心會好翳，就算幾徬徨幾無助，只要自己肯行出一步，一定有人會願意幫你。有 d 人會覺得唔想人幫，覺得自己好似好冇用咁，咩都自己忍，自己受，但有時候真係要顧及小朋友既感受，一個小朋友既身心發展，好影響到佢長大後既人生觀，成日都話小朋友係未來社會既棟樑，點解 d 父母唔感受一下小朋友既感覺先呢？
由決定要生小孩就應該要為佢日後既發展著想，唔好用小朋友既生命黎做賭注，有時聽到身邊同事有 d 朋友，生小孩既原因覺得好荒謬：想留住個男人、想申請間大 d 既公屋、奶奶想生仔，要傳宗接代，唔理你已經生左幾多個女……
而家咩年代呀？仲有人咁既？﹗做女人既唔係為左男人而生存；唔係為左傳宗接代而生存，亦唔好以為自己可以做任何野去改變任何事。好多家庭問題都係因為咁而起，對女人好唔公平，男人亦有責任，點解一定要生仔？女唔係自己既咩？年代已經唔同，點解唔放低自己對傳統既諗法？以前 d 父母教小朋友只會打，唔通而家可以咩？如果而家打小朋友，分分鐘俾人告你虐兒。時代越黎越進步，重男輕女既觀念太根深柢固，但我相信，只要大家放開 d，好多野可以改變，社會都會和諧 d，小朋友都會開心 d。
唔開心有好多方法可以去發洩，唔好將 d 問題帶番屋企，對任何人都唔好。『男人係出面受氣，番到屋企搵 d 老婆仔女去出氣』呢句說話我以前成日聽到，而家仍然有人會咁做，仍然有人覺得冇問題，點解？男人打女人唔係傳統落黎都唔0岩既咩？點解而家仲做？要知道傷害一個人好容易，但要修補個傷口就俾任何事都難，值得咩？當你發洩完，發覺身邊得番自己一個孤獨咁生活落去，你鐘意咩？
有時候見到街上面有 d 流浪者，會係度諗，佢係咪冇親人既呢？定係佢眾叛親離？見到呢 d 流浪者會覺得佢地淒涼，但佢背後既故事有幾多人知？但我深信冇人會願意變成佢地咁，係咪？
by 傻媽媽@沉睡森林
Jacqueline said,
October 23, 2007 @ 2:03 am
做得出呢D事的人都唔會高教育水平得去邊,
他們本身的家庭也有問題(可能來自單親.),
他們的知識唔高,學歷唔高,本身的家又一塌糊塗,
他們怎會想咁多.?
“專重子女生命”,”顧及子女感受”這些東西他們可能想都沒想過,
“總之生就生啦,死唔去既,過得一日就一日,”可能才是他們想的…..
最近更多的是國內來港生仔的,
他們父母如何養大他們他們就如何養細路,
也不管時代的變遷,
“我細果陣我老豆老母邊有時間理我嫁.?我咪又係咁大~!”
仲有果D 18,9歲就俾人搞大個肚既妹妹仔…
幾錢斤米都未知呀,養細路….
唉……雖然見到呢D新聞個心都會好唔舒服, 為個小朋友感難過,
但現實是好難改變什麼的….
貓空子 said,
October 23, 2007 @ 9:47 am
而家m型社會, 有兩種人特別生得多小孩:
a. 有錢人,因為要生多d來接佢地生意.
b. 冇錢人,因為佢地搞不清楚狀況,再者由於他們教育程度低, 也不知道避孕常識, 所以就生一堆出來.
而家好多高教育水準+收入中等的打工仔, 都唔敢生, 講真, 老公老婆都要出去搵食, 加班加到天昏地暗, 返到屋企都累死, 仲點樣增產報國呢?二來而家職場變化太大, 今日唔知聽日事, 分分鐘突然失業, 就冇錢養細路. even有一定的經濟能力, 但生了小孩就可能得捨棄部份享樂(如旅遊)和得花精神去教細路. (一個負責任的父母,不會把教養小孩責任全部推給傭人/托兒所負責)
so… 我是dink…. double income, no kid!!!
天馬行凶 said,
October 23, 2007 @ 4:53 pm
看到這幅圖，已經心寒了。
若是無心照顧，還是用安全套吧。
路過者~ said,
October 23, 2007 @ 10:22 pm
無錯,,睇到果種新閒,,心總是不舒服..
現在的社會還有這無聊的觀念..男女平等
仔女有咩關係..難道生左個女,,佢會激死你咩..