坐監
好耐之前小弟寫過篇文叫“終生監禁”﹐今次又想同大家討論吓坐監喱個問題。其實點解人係要坐監架呢﹖係今時今日咁多人講民主﹑講自由嘅世界﹐坐監擺到明係剝奪自由嘅一種懲罰喇。死刑之所以要廢除﹐係因為人認為人係無權奪去其他人嘅生命嘅﹐喱點我好同意﹐但係唔通人又有權奪去其他人嘅自由﹖如果無嘅話﹐有乜理由法庭有權判人去坐監呢﹖我又真係唔係好明喎。
咁當然啦﹐如果唔可以判人坐監﹐D人犯咗法又點罰佢哋呢﹖但解喱個係另一個問題嚟﹐唔可以混為一談。唔可以因為無其他方法就要用一個唔合理嘅方法。
仲有喎﹐而家坐監唔係淨係限制你人身自由喎﹐仲要你放棄埋收入﹑家庭﹑享受﹑性生活等等。如果坐監嘅原意係要限制人身自由﹐令犯人唔可以再犯案嘅話﹐無必要剝奪埋人哋嘅其他權利吖﹖點解一定要人哋清茶淡飯呢﹖如果個犯有錢﹐點解唔可以餐餐食翅呢﹖點解大熱天時唔可以嘆冷氣呢﹖點解唔可以上網炒股票呢﹖所謂“食色性也”﹐坐監亦都剝奪咗人嘅性生活﹐唔單止係犯人﹐仲有佢嘅性伴侶(例如老婆或者老公)都要陪埋佢一齊禁慾(除非偷食)﹐之但係偷食又可以成為離婚嘅證據。咁如果有個有錢佬犯咗法要去坐5年監﹐佢老婆因為生理需要去勾佬﹐點知俾佢老公知道咗﹐然後同佢離婚。因為係老婆通姦﹐所以贍養費方面個官會判少D﹐咁個老婆咪好無辜﹖
我覺得坐監係違反人權嘅﹐支持廢除監禁作為刑罰一種。哈哈
by 一點紅@沉睡森林
天馬行凶 said,
November 27, 2007 @ 7:39 am
同時…無人叫佢犯法。
yeukkuk said,
November 27, 2007 @ 6:29 pm
你個腦都唔知諗乜~
不知所謂
asdsa said,
November 28, 2007 @ 10:01 am
係犯人犯案之前, 佢都一直擁有緊佢gei自由ga wor, 佢有佢gei自由去選擇去犯案/唔犯案, 係人都知犯案要坐監ga la, 咁佢都要去做, 係佢自己選擇左失去自由, 而唔係人地奪去佢gei自由law
笨siu傑 said,
November 29, 2007 @ 7:43 pm
我覺得坐監唔係搞到佢地冇自由囉..
係坐監入面..有人會指導番佢地行正路..
令佢重新做人..唔好再犯法..
所以我覺得坐監好岩囉..
冇錯..雖然「終生監禁」係令佢永遠都係監獄..
但係如果佢唔係犯左咁嚴重既罪行..都唔會要佢「終生監禁」喇..
仲有「終生監禁」唔代表佢以後都冇得出黎..
可能佢行為好就會被放番出黎呢..我認為..
limanfung said,
December 2, 2007 @ 9:32 pm
我覺得凡制度都有利有弊。若只看其弊，甚麼制度也沒有存在的價值。例如: 政府制度，無政府主義者便指政府只會壓迫人民。可是在沒有一個新的制度可以統治百姓時，政府仍要存在。同理，若沒有比監禁更好時 (至少很多國家已廢除死刑，希望罪犯改過自新) 我覺得仍要以監禁作為懲罰的方法。
gucci said,
December 3, 2007 @ 5:32 pm
九唔搭八！
Coni said,
December 6, 2007 @ 10:05 pm
我都幾認同你講既野
無疑現今社會太倚賴監獄為懲罰方法
大眾亦普遍高估左監獄既成效
其實外國有好多study證明左
有好多alternatives係比監獄更有效
不過普遍社會人士都唔係咁接受
~_~
BEE said,
December 17, 2007 @ 3:07 am
這個網的諸位網主寫的東西都很意思呢, 看完都會有新的體會。
brian_lcb said,
December 20, 2007 @ 1:11 pm
其實好似這位筆者如此喜歡思考同分享自己思考的人，真的越來越多。
不過，我覺得有d是事情不能只停留在一個單人思維，如今次的題目只是帶出坐監剝削左犯人的自由，但有冇考慮過如不監禁犯人，該犯人會不會剝削左其他人的自由……..!?那其他人豈不比那偷食的人妻更無辜………!??
其實，我覺得筆者的思想世界能擴展到現實世界的話，你會是一個很了不起的人，我的意思是不要只是恩想一大堆問題出來，更要思考一個解決方法出來……如到底有冇一個比監禁更合理的做法去對待一個犯左法的人，而能夠令該犯人停止剝奪其他人的自由呢??????願聞其詳
阿B said,
December 24, 2007 @ 8:52 pm
我就快入去坐監,我係白手的!入去后應該注意D什麼?
都要實坐4″Look”
阿B said,
December 24, 2007 @ 8:55 pm
會晤會打 ”X” ( P K )
兵仔 said,
April 15, 2008 @ 5:56 pm
告訴你,告訴你,廣北出的是甚麼瓜,這是……大隻佬的抝手瓜!!!
問你怕未?