愛與性的邊緣
今日我哋探討吓究竟『愛』同『性』係有乜嘢關係啦。有人話有愛先有性﹐有人話有性先有愛﹐有人話兩者無關係。當然啦﹐唔會有一個標準嘅答案﹐而depends on 你係乜嘢人﹐你嘅答案都會唔同﹐喱個題目係可以用好多個角度去睇嘅。
首先﹐我哋用遺傳學角度了解吓先。係遺傳學嘅角度﹐物種生存嘅目的係將自己嘅基因pass比下一代﹐所以好多動物都係有多過一個性伴侶嘅。而雄性嘅動物只要透過濫交﹐就可以令更多雌性受孕﹐大量繁殖留有自己DNA嘅後代。所以﹐係生物學嘅角度﹐雄性嘅生物係天生濫交嘅。
但係雌性嘅動物就唔同嘞﹐無論雌性嘅動物有幾濫交﹐佢哋只係能夠生有限嘅後代(一胎所生最多數量) ﹐所以雌性嘅動物濫交對傳播自己嘅DNA幫助唔大。而且﹐雌性嘅動物喺懷孕期係無乜覓食能力嘅﹐要靠雄性嚟照顧﹐如過雌性嘅動物濫交﹐雄性嘅動物就會因為唔知個肚係咪自己而放棄照顧懷孕嘅雌性﹐所以我覺得﹐雌性嘅動物係應該專一嘅。
但係人並唔完全係動物﹐因為人有愛情。我唔可以代表其他男人講嘢﹐而我自己就覺得愛同性係分開嘅。一個我好愛嘅人並唔代表我一定要同佢有性關係﹐而我亦都可以同一個我完全唔愛(但係都唔會討厭) 嘅人發生關係。因為我覺得愛係一種感覺﹐我會想同我愛嘅人一齊生活。但係性係一種衝動﹐係原始嘅需要。
我自己 plot 咗個圖﹐一邊係愛﹐一邊係性﹐結過我發現我自己似乎對有D好感嘅異性最有性期待﹐反而好愛嘅就一般般。
如果你有興趣可以 download 個 file 嚟自己玩吓﹐睇吓自己條 curve 係點嘅。
你試過同自己唔愛嘅人發生關係嗎﹖[男士專用﹐女士唔該填下面]
你試過同自己唔愛嘅人發生關係嗎﹖[女士專用﹐男士唔該填上面]
by 一點紅@沉睡森林
肥龍貓 said,
May 23, 2008 @ 6:30 am
同意
怪人@沉睡森林 said,
May 23, 2008 @ 8:35 am
無言敬佩!!!
回憶過去的自己 said,
May 23, 2008 @ 2:04 pm
這個話題很新鮮！
我從來都沒想過啊！
kwok che said,
May 23, 2008 @ 5:08 pm
一定係有愛先有性,咁會好d
老森林 said,
May 23, 2008 @ 5:14 pm
此題代表人好多時不由自己控制,可悲的萬物之靈!
Benny Lee said,
May 24, 2008 @ 7:28 am
Hello!
逃花園 said,
May 24, 2008 @ 10:42 am
一點紅: 我真係服左你~~~
seikokmatic said,
May 25, 2008 @ 9:43 am
林林，
你小左好多野喎，例如阿蛇滅s、外府外母….簡唔到！ Sawlee..
Benjamin Lee said,
May 25, 2008 @ 10:29 am
唔知邊個定邊齣戲講:
男人用愛去獲取性;
女人用性去留住愛!
charlotte said,
May 29, 2008 @ 12:48 am
男人長情而花心,
女人專一而絕情.
這是千古不變的定律.
男人想搞野就如女人鍾意買衫一樣,
風花雪月之後終歸會返回舊愛身邊.
(咁當然囉, 條件好好的男人除外)
就如女人買買買, 買完一大堆,
到頭來著來著去仍然係果幾件.
lee said,
July 19, 2008 @ 9:31 pm
請問你個blog那首歌誰唱,同嘛歌名叫怎麼?好好聽…..可以話給我知嗎?thank you