兒時玩具
這陣子朋友問我細個喜歡什麼玩具，勾起對兒時玩具的回憶，特來和大家分享。
玩具一：
阿哥啲功課
阿媽話我好鍾意趁阿哥唔發覺撕爛哂佢啲功課或者塞落我既玩具箱到，搞到佢無功課交。諗番起，我好似又係……好鍾意撕爛佢既功課，到我大個又俾啲小朋友撕爛我啲功課。
撕功課呢樣野似乎真係做細既專利咁喎？
玩具二：
芭比公仔
雖然我係女仔，但我一啲都唔鍾意玩芭比公仔！一來佢啲頭髮好麻煩，勁亂，通常我買番來玩左陣就會剪哂佢啲頭髮佢，因為真係太煩。不過，自從阿媽猜左我去睇反斗奇兵之後就無咁做喇，哈哈。
二來，佢地對眼好恐怖，好似真係望著你咁……我又成日諗佢地會唔會起身打我……所以唔鍾意玩。
但啲姑姐又好鍾意送俾我，可能因為我係女仔啩。
玩具三：
開心樂園餐既公仔
細個阿媽好少買玩具俾我玩，所以我大部份既玩具都係來自麥當勞。最喜歡就係snoopy既公仔。
天馬行凶@沉睡森林
Anonymous said,
September 24, 2008 @ 11:10 pm
哈哈，阿哥啲功課都是玩具，你真大膽！
我小時也有很多玩具, 不過我是男仔，跟你的很不同，有奇多圈、四驅車、黑白Game Boy、彈彈波、模型、螞蟻、LEGO…….
現在大過了，回復不了童真。
by the way, 你這篇文章忘記了署名。