未來汽車的8個發明
今日同個 Friend 吹水﹐無聊之間傾到一架車仲應該有D乜嘢 Function﹐可以令駕駛者更得心應手呢﹖結果諗到有以下8點﹐唔知幾時先有人發明呢﹖
1 - 超聲波偵察器
即係喺架車嘅四面裝一個超聲波偵察器﹐check吓附近有無車或者障礙物﹐然後再喺個 Monitor度顯示出嚟﹐就好似打機咁﹐有個鳥瞰 view﹐咁以後cut線就唔駛 shoulder check啦。
2 -調暗玻璃
而家嘅技術已經可以用LCD技術控制玻璃嘅透光度﹐唔知點解仲未應用喺汽車玻璃度。如果可以喺好猛太陽嘅時間張玻璃變暗D﹐一定好好多。
3 - 太陽能車頂
好似話日本仔已經研究緊。喺車頂裝塊太陽能板﹐可以供給車內冷氣﹐又環保又慳電﹐點解唔整呢﹖
4 - 自動泊車功能
好似話Lexus已經研究緊。只要駕駛者停喺個車位隔離﹐噤個掣架車就會自動泊車。以後師奶都可以入停車場喇﹗
5 -酒精測試器
開車前﹐駕駛者要對住個酒精測試器吹一口氣﹐如果超標架車就唔會開。
6 -睡眠測試器
利用一個人頭部嘅動作嚟判斷駕駛者係咪瞓著咗﹐如果係﹐就會發出超大聲嘅“嗶” 一聲叫醒條友。
7 - 車外速度錶
有D似小巴嘅速度錶﹐將架車嘅車速顯示喺車外﹐令其它車(或者警車) 一眼就知架車行得幾快﹐減少意外發生。
8 - 自動車燈
利用內置時鐘同埋室外光線﹐自動打開車燈﹐既可慳電﹐又可以減少意外發生﹐一舉兩得。
By 一點紅@沉睡森林
Lisa said,
August 9, 2008 @ 1:25 am
很喜歡某幾個發明，完全是我得到車牌後，一路發夢都想我的「錢7」會有這些功能，超碼不用在馬路上再俾一些自以為「賽車手」的人，由車頭啤到去車尾！
1. shoulder check 好像在學車和考車時才會扮下野做下！車牌到手，已忘了這個動作！初初還會打定燈等過線，但慢慢發覺是沒有人會讓你的，當知車中的我是女人，仲要係你抽頭過線時，「從後趕上」，慌嚇你唔死！
2. 調暗玻璃最好不是擋陽光，最後不會被人知你是女司機！
3. 太陽能車頂！正呀！死油公司鑊鑊加2毫，減就減1仙！連我這個 holiday driver 都叫救命！我連「錢7」都養不起了！難委了職業司機！
4. 自動泊車。。。急切需要！我已經好好技術(自問！)，每次泊車都是2-3手“車太“就攪掂！都唔明次次都要俾其他「賽車手」覺得我阻住地球轉一樣！
「以後師奶都可以入停車場喇﹗」—> 不要“奇“視師奶！！！ (說笑！)
5. 酒精測試器……. 有點。。。！我搵個無飲酒的某利對住個酒精測試器吹一口氣，我又可以開車！
6. 超大聲嘅“嗶” 一聲應該會嚇到我撞車 =p
7. 我每日都搭 「亡命小巴」回家！小巴內的車速度錶由開車響到落車，小巴司機依然飛車！最好整到小巴車速極限到 70好 d!
8. 自動車燈。。。o岩我呢個大頭蝦，我成日都唔記得開燈！
原諒小妹多勞騷！
Chi2 said,
August 21, 2008 @ 2:56 pm
I vote for number 6 - “睡眠測試器”. haha.. actually it can be of great potential to be use at office too, just one of the function of our PC! ^0^