雷曼苦主抵X死
在電視上看到那些所謂雷曼苦主哭喪著臉去請願﹐我是非常心涼的。
大家可能會覺得我冷血﹐但是我覺得我是現實。須知到﹐但凡投資必定會有風險﹐既然你買了這些投資工具﹐你便有義務承受該項投資所帶來的風險。就像我投資股票﹐過去一年蝕了幾百萬﹐有沒有心痛呢﹖當然有!但我會不會怨政府呢﹖我會不會去遊行要求政府賠償我的損失呢﹖我不會。正所謂『自己屙的屎自己食』﹐我投資錯誤﹐我自己要負責﹐我技不如人﹐我檢討。
這些買了雷曼責券的投資者﹐事前沒有做資料搜集﹐沒有評估風險﹐沒有了解該投資的性質﹐便成副身家押下去﹐贏了是運氣﹐輸了是應該。現在竟然厚著面皮要人幫你埋單﹐願賭不服輸﹐何其羞恥﹗如果政府用香港其它納稅人的錢幫這班『屙屎唔出賴地硬』的人填數﹐我會非常失望﹐拉大隊帶頭移民。
有人說很多投資者被人誤導﹐May Be﹐又如何﹖你不貪心人家會氹到你嗎﹖你可以循民事訴訟向銀行或個別銷售人員追討﹐但千萬不要以為政府會幫你填數。我交的稅是用來培育我的小朋友﹐來照顧我家的長者的﹐不是用來救那班貪心的無知投資者的。
雷曼苦主們﹐要死唔該死開D﹐唔好諗住攞著數。
by 瑪莎拉蒂@沉睡森林
逃花園 said,
October 15, 2008 @ 5:22 pm
瑪莎拉蒂:我亦認同你的講法,食得咸魚抵得喝,每個人都要對自己所做的事負責!!
唔係虎主 said,
October 15, 2008 @ 7:56 pm
自己投資錯誤的確要自己負責而唔係姓賴
如果有老人家或者真係因為投資失利搞到經濟有問題
可以其他途徑幫忙
例如社會福利處社工可以跟進
但真係無可能要銀行賠
開個咁壞的先例
用納稅人錢更加無可能
Kabe said,
October 16, 2008 @ 3:21 am
未係lo!投資失敗就搵政府,嬴左又唔見佢地俾政府!
如果政府决定咁做,不如以後任何人赢幾多俾翻60%政府!
D人都onon地嫁!
nick said,
October 16, 2008 @ 10:48 am
你哋要客觀d睇件事, 好多苦主係因為比銀行誤導先買的, 佢哋一直以為自己買ge 係保本的定期儲蓄, 响呢件事上面, 銀行的推銷手法係有問題, 而政府監管不足亦有問題。
水靈玥 said,
October 16, 2008 @ 4:10 pm
佢地投資失敗出黎遊行..
想俾人知佢地有幾慘咋麻
投資之前,又唔諗清楚…
以為係全美四大銀行就實賺
但有邊個知雷曼都有「冧擋」既一日丫~!
靖 said,
October 17, 2008 @ 3:11 pm
講真，其實兩方面都有問題，
Ｄ人有Ｄ身家夠食成世，頌要貪，結果真係抵死。
美國個市一跌就應該識收啦，搞到雷曼仆地時先嘈一大餐。
「貪字得個貧。」真係應景。
銀行果面又淨係識sell，又唔睇下對象係邊個。（新加波也是這樣）
（但好似其它亞洲國都無sell比Ｄ蟻民）
但一個貪一個亂sell，真係唔關我地事。輸佐要人賠？咩道理呀？
你買之前地應該知道有機會連本都無啦。
如果噤都有得賠，咁同過大海賭輸錢搵人比錢有咩分別？
（P.S.:其實我對這方面不太熟悉，有錯請跟正及指教）
robocop said,
October 17, 2008 @ 7:52 pm
Ｄ人貪婪…輸打赢要; 輸大了瓜瓜叫 ! 苦主……wor
Ｄ苦主要政府用納稅人錢補貼? 貼得幾個 !貼得幾多!
Ｄ人要銀行賠? 賠理亞麼! \( * o * )/
Yan said,
October 18, 2008 @ 10:14 am
很同意! 如果政府話要用納稅人的錢賠俾佢地, 我相信我會去遊行!
瑤子 said,
October 18, 2008 @ 8:33 pm
同意你講ge野o_o
路人甲 said,
October 18, 2008 @ 10:07 pm
我吾贊成用納稅人既$用賠
但係吾贊同你話佢地係抵死
因為銀行誤導左佢地,
銀行行銷既方法好有問題囉
我覺得甘同厄人無咩分別
james said,
October 18, 2008 @ 11:30 pm
I don’t think most if not all these people know what they are getting into. If these products are suitable to individual, why aren’t they selling them in America or Europe?
燐 said,
October 19, 2008 @ 12:26 pm
未必既……
始終受害人中有好多都係阿公阿婆
佢地明又唔明
d職員誤導佢地就唔洗講
其他人又唔肯幫
佢地又諗著快d儲好d錢,做棺材本
所以而家佢地應該追討…..
但係其他既受害者
我就覺得唔抵幫……
又唔睇清楚
又唔肯請教人地意見
就自己扔晒d錢落去…
真係「自己屙的屎自己食」
食番你地舊蘇州屎啦……
Bear said,
October 19, 2008 @ 6:32 pm
我都覺得班苦主太過份啦, 如果班苦主輸左錢就可以要求政府銀行賠錢的話, 咁我股票都輸左唔少, 我係咪又可以要求政我府銀行謐卷行賠錢呢?
冇錯, 我知道有的銀行有誤導成份, 但作為投資者, 你應該知道利息越高風險越高架啦, 好多銀行成日都游說我呢樣固樣, 但係我會知道自己唔識唔明既野就唔好玩既道理啦. 我覺得好多人都係為左小便宜便去買呢的債券,
所以佢地應該負責番自己既投資啦.
何況, 佢地要求銀行賠錢, 咁樣會另到銀行為左減低成本, 作大規模裁員, 打工仔係冇罪既, 幾無孤呢!
天馬行凶 said,
October 19, 2008 @ 8:03 pm
我都很同意你的說法！
畢竟，投資有一定風險，做任何投資應該有心理準備和資料準備，否則羊群心理只會害了自己！
好康 said,
October 28, 2008 @ 9:45 pm
想不到香港班年輕人,比大陸仲不堪!
搞清楚成件事未?
未就不要亂講!
涼血人
龍崎醫生 said,
October 29, 2008 @ 7:49 am
同意你講法。講真政府監管不足，銀行誤導，斷估都唔止係雷曼喇。就算係真，世上無穩賺的股票及基金，呢班人有無買之前想過自己可以承受幾多風險呢？朋友話，買股票前，就要當自己將錢拋入大海，邊個話可以撈番哂ｄ錢仲有凸？我並非不同情佢地既苦況，只不過現實歸現實，實在無理由要政府賠償。
威 said,
October 31, 2008 @ 6:51 pm
咪係囉,我睇完新聞就笑左出黎了,喂大佬,你去買責券就唔該收集下資料先啦,係到賴,呢個世界邊有免費午餐,唔好食就唔找數??咁大個人仲冇d責任感,不斷地示威,浪費自己時間,岩岩睇完新聞仲好笑,想叫溫總介入事件,你地真係當人地溫總好得閒,冇野做呀,就算人地真係得閒都唔會理你班麻煩友啦,估人地冇腦架咩,即使係銀行推銷手法有問題都好,你買責券之前有做功課邊個陰到你呀,真係有問題當時又唔出聲??輸打嬴要??仲想要用納稅人既錢幫你地埋單,好了,人地幫你追討番一部分既錢又唔得,要拎番全部,呢d時候都仲咁貪,無藥可救,清醒d啦,係呢d時候就完全展露出人性醜惡既一面,成班如狼似虎咁去各大銀行示威,無賴囉!!
P said,
November 1, 2008 @ 12:43 am
我想問一樣o野…. 你地對雷曼的產品或債券有多小認識? 馬後炮真係好容易… 如果有個人兩年前 話比你聽… 雷曼會倒閉… 滙豐會倒閉…. 你地點諗?
現在 我覺得最冇理由… 點解不去問銀行高層,前雷曼高層… 點解會賣這種產品? 他們應該比誰… 清楚產品的條款? 分明呃人…. 點解還要叫自己sales推? 做sales要跑數…大家都知…. 跑唔到點養家?
我真係唔覺得苦主和銀行小sales… 需負晒全部責仕~
Seam said,
November 1, 2008 @ 1:09 am
依家講緊既迷你債券持有者係無輸到場賭局(掛勾公司未有出事)，只係個莊家走左佬，個莊拿走晒D錢，換左D唔知係乜野來做抵押品，依家班苦主只可以取回唔知咩野既抵押品。
如果純粹係因為客人賭輸左，要叫銀行賠番，你仲可以話班客人無理取鬧，但係依家班客人係無輸，賭局未完，個莊走左，當你知道係一個賭局，你做客人都一定會搵當初拉你入局既人(銀行)算帳啦，要追回你當初落既籌碼(本金)。如果你係馬會賭波賭馬，馬會突然破產，你所有賭注都無晒，你係唔係會啞忍，唔去追討，覺得去追討係輸打贏要既行為？
甘奶西 said,
November 12, 2008 @ 11:51 pm
大鑊，垃圾局議員通過特權法調查雷曼事件。香港進入金融黑暗時代。銀行會想盡辦法減少損失，增加收入，預備大量現金補償給輸打贏要投資者。如要預備大量現金，銀行會收緊貸款，中小企業有難；面對金融海潚，樓價會下滑，銀行有可能要求業主補差價，否則加利息或要求轉按；以後所有戶口結餘不足，不論老人與9全部收手續費，增加收入；還有很多方法增加收入，以保險股東利益。
想一想，垃圾議員，所做一切，結果是損害香港7百多萬市民。下次有市民投訴買保險時與雷曼事件理由一樣，要求保險公司全數回水；買樓時被地產佬欺騙，又要回水；香港會變成什麼樣子。
親雷曼苦主 said,
November 16, 2008 @ 9:28 pm
屌9你啊！on 99!!!抵撚死？？！！你食屎啦！！d銀行根本銷售手法有問題，唔同咩投資股票，你咩都唔撚知就話人抵死，仆街啦！！！
investing said,
November 20, 2008 @ 4:10 am
看到blog主的文.
我非常同意. 我同情佢到lost左咁多錢. 但投資就必定有人win有人輸.
有幾多真正對swaps有認識的layman 會明白點解雷電苦鼠一毫子都冇得羅番? 有幾多人真正明白佢買既產品是甚麼?
輸打贏要. 香港的核心價值蕩然無存. 香港真的是炒家天堂.
短倉的朋友, 與你共渡熊日!
長倉的朋友，歡迎你3年後回來。
香港人一日不學會這些血的教訓，這些”雷電事性”依然會發生.
炒家們, 裝備好你自己. 迎接這些一無所知的投機者奉上的金錢.
風雪破冰 said,
November 21, 2008 @ 9:01 am
咁又吾係咁講wow!!佢地係俾d銀行玩死姐,一時又話可以點好多,一時又話冇得俾番d錢你,咁既話銀行都要負番一定既責任wow,如果好似以上十幾個人既講法..咁銀行佢做錯咩都係d人低死.汁左你地叫佢俾番錢你都係你地低死姐…吾關銀行事咁話呀….冇可以嫁….so銀行同個d親雷曼苦主都係要負番一定既責任既……