回憶
近排睇電視，見到阿蘇煮餸，之前佢係第個台我冇睇過，所以覺得呢個人幾得意，鍾意鬧下人，寸寸貢咁。前兩日佢教 – 栗子炆雞，呢個餸令我諗番起我爸爸。
我爸爸喺一個廚師，細細個已經食好多唔同口味既餸茶，初時仲以為家家戶戶都係同我食一樣既菜，後來先知唔係，我已經食得比其他人豐富了。而我最鍾意食嘅就係呢味栗子炆雞，自從嫁左之後就好少食喇，但每次爸爸知道我會番去食飯，佢一定會煮呢個菜俾我食，而我亦都唔會浪費佢一番心機，一定會食晒。
爸爸過身後，我同媽咪都試過整黎食，都點都覺得好似冇爸爸整得咁好味，唔知係因為佢係一個廚師，定係我地有咩出錯，總之就係整唔番個味道。到而家，我整俾兩個仔女食，佢地會食得津津有味架，但我始終都覺得爸爸係整得最好味既，我諗其實可能唔係有咩地方出錯，而係始終掛住爸爸既情愫吧﹗
不經不覺，爸爸已經離開了八年了，而媽媽前年也離開了，唔知道佢地過得好唔好，但一樣野可以肯定既，就係無論自己父母在生時曾經點樣鬧過打過自己既仔女，到佢地離開既時候，佢地既仔女一定會永遠咁掛住佢地﹗
by 傻媽媽@沉睡森林
