其實我身邊好多８０年代出生草根的朋輩，一直都唔知自己有懶音，屋企人又係講懶音，返學冇人話、冇人教（名校除外），基本上我哋係用懶音溝通溝大的。

雖然我大學讀linguistic，但係粵拼就真係得一個sem咁大把（真係黐x線…講咗廣東話廿年先有機會“學”發音），我敢保證我d英文、西班牙文、法文、普通話（又係大學先開始讀…)發音一定會好過廣東話，起碼有正正經經咁學過。

包睿舜(我教授)說，一般人所指的懶音，應稱為「語音變異」，「一般學生可能貪方便，不願張開口發音而導致出現語音變異的情況」。其實各國語言和文字也不停在變，如果錯音（e.g.懶音）傳開＋傳下，直至大部份人都說錯音，就發生了「語音變異」，錯音就成為正音。所以依家我哋係linguistically　correct（意思傳遞到），　but　phonetically　wrong（讀音全錯），亦可能有一日phonetically都啱。

多謝各大正（舊）音人（包括媒體）嘅指點（責），呢一兩年懶音已成大罪~~~我一出嚟做嘢d懶音就俾人笑足一年，好大打擊呀~~~有d字／人名一講就有人笑“你趕（講）乜呀？”“你屋企人冇教你呀？”（又真係冇“家教”喎…），又冇人（識）話俾我聽正音點發（嘴型、拼音…），有時驚到會揾d“安全”字索性避開唔講，明咪得囉。

但係為咗面子同可以正常地同正音人溝通，近年己努力學＋改緊，講嘢撐大d個口，揾拼音（好似學多種語言咁）…不過，講真，對番d　friends，又會字動波懶音番，有時太字正腔圓真係會好un耳、好乞人憎㗎。

保持一個字嘅原音係重要，係對一個語言嘅尊重，但係話晒講咗廿幾年，真係唔係一吓子就改到㗎…所以如果各大正音人聽到我哋呢堆Y世代懶音人講錯嘢但係又get到大家講乜，請見諒，亦都唔好嬉笑怒罵，有心嘅可以教多d。我哋又唔係講粗口／外星話，只不過我哋係冇學過你哋講嗰個音（學錯咗）。

音素合併你都可以用來抽水
強！

樓上再樓上話「保持一個字嘅原音」係「對一個語言嘅尊重」，但你有無諗過，由得一個語言自然變化，都係對佢嘅尊重？