香港呢幾日真係熱到死，地球呢個溫室效應越黎越嚴重，地球暖化亦明顯感受到。世界各地唔係水災就熱潮，差唔多日日新聞都講到咩咩國家有熱浪，有幾多人熱死。

記得以前讀書，未到 7 月暑假都唔會約同學去游水，因為都唔覺得話好熱，呢幾年，我個女未夠 6 月就已經問我可唔可以去游水，真係有 d 誇張。

環保團體不段咁做好多野想令大家明白氣候暖化既嚴重性，但大家都好似冇咩實際行動咁。有時係街上面見 d 人開口埋口就話環保，但一 d 都唔覺，因為仲見到佢地拎住一袋二袋既膠袋，BYOB 呢個字，好幾年前已經知，但冇人會用，因為個陣 D 環保袋真係幾老土。

我自己都係呢四、五年開始用環保袋，一來覺得用一個袋載晒 D 野易拎 D；二來真係覺得環保既重要性。亦想仔女可以學下，有時候叫佢地買野都唔好拎膠袋，拎番黎隨手已經掉，咁拎黎仲咩，用手拎住番屋企都一樣姐。

而且幾年前我先識用環保袋，氣候問題仲未咁嚴重，睇下今日已經去到咁既地步，但有幾多人意識到個問題嚴重性？係咪要身邊既人中暑或者熱死，D 人先識驚？有 D 人話呢 D 咁多年後先發生既問題，諗黎做咩，可能到時都百年歸老啦，睇鬼到咩。係，你0岩，但有冇諗過而家 D 細路呢？可能自己有細路，唔想見到佢地將來會受苦，而呢 D 苦既製造者，可能係自己父母。身為父母，真係忍心咩。

香港政府有努力，但唔積極。睇住呢個俾人鬧一鬧做一做既政府，真係幾心淡……
 
by 傻媽媽@沉睡森林

在大陸有一種服務叫『帶路』﹐就是在高速公路出口帶人往偏遠目的地的服務。我常常想﹐這種服務有可能有人要嗎﹖人家不怕你上車後打劫嗎﹖還有﹐其實隨便在街上問個路人﹐人家也會答你啊﹐用不著付錢給人帶路吧﹗還有最奇怪一點﹐就是當那個帶路人將客人帶到目的地後﹐他自己怎麼回到公路上再兜客呢﹖真令人費解﹗

有人知到這是怎麼 work 的嗎﹖可否告訴我﹖

PS: 圖中的那個人是碩士畢業生﹐因找不到工做才當上這一行。

by 落花流水@沉睡森林

未看道德經之前，以為道德經是講“道德”的．後來在一位朋友介紹底下，看了整本“道德經”和導讀，感受很深．道德經裡的管理智慧，比熊貓讀完的整個BBA還有用．它從一個很宏觀的角度，去講述國家的治理，人的管理，制度的重要性，讓熊貓大開眼界．

熊貓很喜歡施永青，他的著作熊貓都會買來看．他在“自傳”裡就提到，他是在廁所裡讀道德經悟道的．中原地產一萬多個員工的團隊，也是用“道”的方式去管理．如果是真的話，那道德經就太厲害了．

老子究竟想通過道德經說什麼呢？不如熊貓抽一些有趣的地方來為大家說說吧．

“天地不仁，以萬物為芻狗；聖人不仁，以百姓為芻狗。”
這句很精采，這不就是達爾文的進化論嗎？天地是沒有Preference的，萬物都被視作一視同仁．而領導者也應該把所有人一視同仁，不應有所偏袒．只有這樣，公司和社會才會進步．
如果你做過生意，你就知道這個有多難．對方樣子醜陋，說話含糊不清，你會很不自覺地認為他工作能力有問題，但他可能是一個音樂天才，who knows?．如果你隨便問一個人，沒有一個人會承認自己是會偏心的，因為這個是一個人類很普偏的盲點．要先“知”自己的盲點，才可以領悟所謂“以百姓為芻狗”．熊貓是一個偏見很重的人，在這個事情上，熊貓也要加把勁．

“多言數窮，不如守中。”
正正就是大陸今天的寫照．所謂“多言”，就是多政令的意思，“多言數窮”就是說，政令越多，越繁複，社會就會敗亡．想深一層，如果一個社會要靠不停的命令才可以維持的話，就是因為本身目標不明確，制度敗壞．看看今天的香港，九七以來，政令繁多，大則八萬五，小則全民禁煙，無一不擾民至極．熊貓記得小時候，港英政府利用全民教育，便可以使香港成為亞洲其中一個最乾淨的城市．港英最厲害之處，就是建立優良制度，根本不用多餘命令．港英把建房屋的土地限制在17%的土地上，自然造就高地價，有高地價，就可以增加稅收，有了足夠稅收，就可以減低其他稅率，造就藏富於民．這種政治智慧，非今天之香港人可比，大陸人更不用說．
很多人抱著所謂愛國情操，否定英國佬對香港的貢獻．他們的確是海盜，也是一個對香港有恩的海盜．
說起英國佬的統治，讓我想起了小時候經常看到的一句標語，內容是有關禁止吐痰的．
“隨地吐痰黑人憎，
　罰款二千有可能，
　傳播肺癆由此起，
　衛生法例要遵行．”
英國佬厲害的地方，就是他們很瞭解地方人民的思維，從而達至管治成功．看這句標語（要按次序）：
“隨地吐痰黑人憎”，打的是面子牌，你吐痰是會被鄙視的．中國人最重視別人怎樣看自己，重視面子，所以第一句就和你打面子牌．
“罰款二千有可能”，第二句打經濟牌，吐痰是要罰款的．你不要面子，總要錢吧？“有可能”三個字也很準確．
“傳播肺癆由此起”，第三才打健康牌，可以看出英國佬看穿中國人不注重衛生，也不重視自己有病會否怕傳染別人．
“衛生法例要遵行”，最後才打法例牌，因為英國佬知道，中國人不重視所謂法律精神，最不重要的句子，當然放最後．
回看今天大陸的標語，動不動就搬法例出來，哪個管治智慧高？留待讀者自己判斷吧．

下回再續．

 by大熊貓＠沉睡森林

今日睇新聞，話食燒肉呀、紫菜呀、西柚都話有致癌物質……雖然呢個研究顯示係想提醒我地食太多先會有事，但已經足夠令我地人心惶惶啦。

好似今日食飯之前，見未夠鐘咪拎包紫菜食下，個同事見到即刻話：「嘩﹗你食紫菜呀？你冇睇新聞咩？」我話有，不過都係話長期食先有事姐，我好日都唔食一次，邊有咁易丫。跟住其他同事就一齊係度討論，呢樣又唔食得，0個樣又唔食得，就黎咩都唔駛食架喇，食白飯啦……

癌症真係幾得人驚，我俾佢地更清楚，因為我媽咪亦因為癌症離開既，而且仲好突然添……

2005 年媽咪同我講摸到個左胸好似有 D 硬，佢本身有血壓高，糖尿病要定期覆診，所以我叫佢覆診既時候同醫生講下，但佢好多時都唔記得。直到一日佢話唔知個心痛定胸痛，咁0岩佢第日就要去覆診，所以我叫左個女陪婆婆去睇醫生，特別吩咐佢要同醫生講，婆婆話左胸痛。

 結果証實佢係乳癌，醫生建議媽咪做切除手術，但始終呢個關口唔係個個女人都過到，媽咪有問過我，我同佢講，爸爸都過左身咁耐(2001年)，你又唔係想搵第二春，其實切左都好既，好過翻發丫。之後媽咪都決定做手術。

手術之後，媽咪仲要做電療化療，期間都係同一般既癌症病人咁，會甩頭髮、冇胃口、流牙血咁。兩個療程完左之前，就到5年觀察期，呢兩年媽咪照平時咁定時覆診，一路都話媽咪傷口埋得好好，身體亦都冇咩，亦都冇顯示有復發既跡象，我地一家都安心好多。

直到2006年尾左右，媽咪成日覺得頭暈，覆診醫生就話佢血糖低，期間進進出出醫院好多次，亦多次同醫護人員講，媽咪之前有過乳癌，但切除左，亦做左化療電療，醫生話冇復發……而我地亦以為佢只係之前既手術，令到佢身體差左，而且我地深信醫生既說話 - - 媽咪冇復發。

最後一次，媽咪係屋暈左，我地叫十字車送佢入醫院，醫生檢查左一輪之後，就話等佢係醫院抖下啦，過幾日出院先去食團年飯啦。我地亦一心咁諗，等佢係醫院抖下都好，星期五食團年。媽咪係今年 2007 年 2 月11號入院，12 號就轉左去深切治療部，13 號醫院打電話俾我話要見屋企人，而我亦一早同公司講左，12 號呢個星期，我剩係番上午，下午請假去醫院睇媽咪，公司亦好體諒。但當醫院早上打俾我既時候，我個心已經有最差既想法。

約左妹妹去醫院見醫生，醫生話媽咪情況好差，而家只係靠儀器呼吸，如果有 D 咩人想見，要通知佢地。我地問醫生究竟發生咩事，點解會咁？醫生話，媽咪癌症擴散左，可能係幾年前乳癌既擴散而冇發現到，到而家已經擴散到肝、腎同骨，亦影響心臟功能，所以而家冇辦法。我妹妹第一個反應就好激動，有冇搞錯，佢出出入入醫院咁多次都 CHECK 唔到，之前覆診又話佢冇復發，點解而家話佢已經擴散到咁既地步都唔知？醫生亦好禮貌咁同我地解釋，話因為媽咪好多病徵都冇，根本發現唔到佢擴散左，而當年既化療同電療亦只係針對邊個地方有就醫邊度，唔會自己識走去搵邊度有癌細胞而去殺死佢。

而我聽完亦好明白，但眼淚仍然不期然咁流，但我都問左醫生一句，媽咪仲可以捱幾耐，醫生話，而家媽咪只係靠儀器呼吸，拎走左部儀器之後，亦會因人而異，有 D 會即刻走，有 D 會留一段時間，所以答唔到我地媽咪仲有幾耐時間，不過建議我地通知佢想見既人，我同妹妹第一個通知既，係我哥哥，因為媽咪最錫佢。我地同阿哥既關係下次再講，不過大家都估到一定係唔好架喇。

人齊之後，分批入去睇媽咪，到晚上十點幾，醫生拎走左媽咪部機，佢地亦俾我地三兄妹係 ICU 陪媽咪走埋呢段路。期間見到媽咪好辛苦，部心電圖機一響，我地就好緊張，好多時係因為媽咪有啖，令到佢呼吸唔到，所以先會響。

時間慢慢咁過去，2月14日情人節到喇，但我地幾兄妹當然冇心情去做任何野，只係想陪媽咪。直到凌晨 2 點幾，媽咪真係走喇，我地亦拖住疲累身軀各自番屋企，番到去根本訓唔到，就寫左一篇 E-MAIL 俾同事交代媽咪既事，因為正直過年，我請假亦請到過年後，但期間所有工作上既事都要交俾其他同事負責，所以同佢地講聲唔好意思。

其實自己最遺憾既係，媽咪入左醫院，我第一日探佢既時候佢已經講唔到野，所以唔知佢有咩心事未了，幫唔到佢D 咩。而且，因為媽咪係泰國人，我地泰文又有限，通知唔到泰國 D 親戚，而媽咪所有寫既野都係用泰文，呢個時候先真真正正後悔，點解當初唔跟媽咪學多 D……

『樹欲靜而風不息，子欲養而親不在』呢個係我之後深深咁體會到既。

by 傻媽媽@沉睡森林
 

熊貓一向只喝重火鐵觀音，在朋友介紹下也會喝些普洱，但以熊貓的銀兩，要經常喝上好的普洱是無能為力了．不過熊貓也喝過一些很好的普洱，和諸位分享一下．

普洱分為熟茶和青茶，所謂熟茶，是在共產黨把私人茶廠轉為國營之後發生的事．那時文革時代，共產黨一把火把雲南諸多茶廠燒光破壞，那些美好的陳年青餅也不能倖免，香港商人一為延續中華茶文化，二為賺錢，把一部分陳年青餅救了出來，轉移到香港，也有部分到了東南亞．現在賣五萬十萬一塊的“紅印”，“鐵餅”部分就是那個時候的物資．大陸人瘋狂破壞中國文明，真的不明白為什麼大陸人還有面目自稱中國人．

說回熟茶，新鮮茶葉採回來之後，就要揉捻，晒青，發酵，殺青．本來茶葉到了這個階段後就可以壓餅和儲存，讓它們自然發酵．但大陸人為了加快生產，在發酵時在茶葉上洒水，再用綿被去焗，加速發酵，讓本來要儲存五十年的茶葉，一下子就變得像放了很久，當然因為儲存時間相距這麼遠，熟茶和青茶味度相距很遠，但在今天大陸這個“講”效率的社會，熟茶早為人所接受，而且熟茶早已登堂入室，而當中也有佳品．

最普遍的普洱熟茶餅是孟海茶廠７５８２，青餅則為７５４２．現在一塊９２年７５４２都給炒到四千元．孟海７５４２系列的茶味是很平均的，它沒有驚喜，但質素很平均，也相當好喝，所以也有很多捧場客．

除了孟海茶廠出品外，也有其他好像“班章王”等茶葉在市場出售，有某些廠生產的“班章王”質素是相當高的，茶底非常好，甘甜，純厚，耐泡，餘韻有力，假以時日必定成為極好的陳年青餅．熊貓在家裡也放了一些剛出的“班章王”青餅，如果不受潮的話將來老了就可以喝陳年青餅，是相當幸福的．

諸位如果對茶有興趣，可以考慮進一些新出的青餅，放在家裡不潮濕和無氣味的地方，幾十年後可能會很好喝呢！如果是投資的話，熊貓不贊同儲普洱茶了，儲存很難控制，而且到時買家只要說一句你的茶壞了，你便血本無歸，風險太高，未必是一個很好的投資．

by大熊貓＠沉睡森林

全能全知的神呀﹗感謝你對我們的眷顧﹐讓我能夠帶領我親愛的弟兄姐妹來到這遍充滿戰爭的土地﹐將福音傳給這遍土地上的人。在這遍土地上﹐他們為宗教的問題戰爭﹐異端的教派總是免不了戰爭﹐願我的主能夠帶領我們將神的信息送給他們。

雖然我現在的處境很糟糕﹐和另外廿二名的弟兄姐妹被困於此﹐可是我一點都不害怕。因為我一生都擁護你、愛戴你﹐你說過凡信你的都必有福﹐我知道這次只是你對我們的另一次考驗﹐你一定會為我們作工的。現在距離限期還有13小時﹐我知道你不會放棄我們的﹐願主你賜我們勇氣。奉主耶穌基督之命而求﹐阿門。

* * *

主啊﹗謝謝你的愛護﹐那些異端已經把期限押後了24小時﹐我知道一定是主的光在照著我們﹐令我們得到安寧。我們當中有些弟兄意志不夠堅決﹐害怕起上來了。我祈求主能夠賜給他們信心﹐讓他們也象我一樣感受到主的恩典。奉主耶穌基督之命而求﹐阿門。

* * *

我敬愛的主啊﹗現在距離限期還有3小時﹐我想信主一定會帶領著我們的。願主你賜給我信心﹐讓我們可以渡過這個難關。奉主耶穌基督之命而求﹐阿門。

* * *

主啊﹗現在已剩下沒有多久時間﹐他們開始將我綁起了。不過我相信主你不會忘記我們的﹐因為主是我的一切。我深信奇跡一定會出現的﹐因為主你是全能的﹐你一定會救我的。我對主你有無比的信心。你說過凡信你的都必得救﹐我完全沒有懷疑﹐我相信主…

『砰、砰、砰、砰、砰、砰、砰、砰、砰、砰』

東方日報報導 - 阿富汗塔利班組織開始殺死南韓人質。武裝分子昨日在本港時間晚上七時半處決了其中一名男人質，相信是廿三名南韓人質的領隊，亦是他們所屬教會的牧師裴亨奎。其屍首的頭、胸和腹部共有十個彈孔。

by 落花流水@沉睡森林
 

小子﹕一點紅哥哥﹐我有啲嘢唔明想問吓你呀

一點紅﹕問啦靚仔﹐你最鍾意問嘢架啦

小子﹕我最近去啲網上討論區﹐見啲人係咁話沉船唔知點算好﹐乜宜家啲船咁易沉架咩﹖

一點紅﹕你去啲乜嘢討論區呀﹖

小子﹕…都…都係啲普通討論區啫…

一點紅﹕你唔駛扮嘢喇﹐你梗係去埋啲鹹濕討論區啦

小子﹕吓﹗你咁都知嘅﹖

一點紅﹕我有乜唔知吖﹖『沉船』係鹹網成日都出架啦。其實所謂嘅『沉船』係一個特別嘅名稱嚟﹐唔係話真係隻船沉咗﹐而係代表一個男人愛上咗一個出嚟撈嘅女仔﹐明唔明﹖

小子﹕出嚟撈即係點呀﹖

一點紅﹕即係從事色情行業囉。

小子﹕吓﹗﹖乜嘢人會鍾意喱啲女仔呢﹖唔通係黑社會﹖

一點紅﹕靚仔﹐你有無去滾過吖﹖

小子﹕我﹖我得嗰10歲﹐邊去得呀﹖起碼都要過多兩年先啦﹗

一點紅﹕咁就難怪你唔明喇﹐靚仔。其實出去滾啲人未必係十惡不赦嘅人嚟嘅﹐好多人都會因為有朋友帶﹐所以間唔中試吓架。又有啲人因為老婆唔係身邊或者聚少離多所以要去解決生理需要﹐有啲人因為離咗婚或者跟本無結婚所以去﹐有啲人就因為同老婆/女朋友性生活唔協調所以去滾﹐當然﹐有啲人就因為鹹濕而去啦。黑社會唔會成日去架﹐咁貴﹐你估佢地賺好多咩﹖反而高收入人士就去得多啲。

小子﹕咁點解咁多人話沉船嘅﹖

一點紅﹕個個都知沉船唔好﹐但係又咁多人沉船﹐一定有原因嘅

小子﹕係乜嘢原因呢﹖

一點紅﹕照我睇有幾個原因嘅。因為出得嚟撈嘅女仔個樣點都唔會太差﹐而且身材亦都係誇啦啦嘅﹐所以男人就一定會覺得好索嘞。而且啲無乜經驗嘅男人除咗屋企嗰件之外就無乜見過靚女﹐就更加易沉啦。

小子﹕咁鍾意一個人唔係齋睇樣啩﹖

一點紅﹕梗唔止啦﹐但係個樣係最基本嘅﹐溝靚女喎﹐鬼唔想咩﹖而且啲女仔做得喱行﹐就一定好識得氹男人、電男人、投懷送抱﹐如果唔係邊有回頭客呀﹖所以啲男人就會覺得有個靚女好識得氹佢﹐又就佢﹐仲唔死﹖

小子﹕但係啲男人都知啲女仔唔係認真架啦﹐仲要鍾個頭埋去﹖

一點紅﹕唔係個個男人都咁有自知知明架﹗好多男人以為自己真係幾靚仔﹐又有啲錢﹐以為啲女仔真係鍾意佢地架。你諗吓﹐如果個女仔係床度同你玩哂所有花式﹐然後同你講﹕我淨係會同你做喱啲嘢架咋﹐其他客我唔做架﹗嘩﹗仲唔冧死條友﹖

小子﹕咁啲男人最後會點架﹖

一點紅﹕無乜點嘅﹐最多咪使咗啲錢落個女仔度囉﹐送吓嘢呀﹐俾吓家用咁啦。

小子﹕會唔會個女仔都慢慢鍾意咗個男人呢﹖

一點紅﹕咁就大鑊喇。個女仔如果淨係為錢的話﹐到個男人無錢又或者遇到個更有錢嘅人嘅時候﹐個女仔就會撇架啦﹐咁條仔咪會自己醒囉。但係如果個女仔都陪埋佢一齊顛﹐咁就分分鐘搞到婚變﹐好大鑊架﹗

小子﹕咁佢地會唔會開花結果呢﹖

一點紅﹕好難嘅。一開始嘅時候兩個人係由肉體嚟維持關係嘅﹐但係慢慢就需要有更多溝通﹐兩個人嘅背景、經歷、價值觀、朋友都咁唔同﹐好難可以係一齊嘅。你叫個女仔唔做雞做乜呢﹖唔通去讀書然後搵份寫字樓工咩﹖人地玩慣食慣﹐邊有咁易從良吖﹖最後咪又係分手收場﹖

小子﹕咁你又有無試過沉船呢﹖

一點紅﹕我無﹐因為我無去滾。但係我都識啲朋友去滾嘅﹐10個有9個都沉過船啦﹐不過有啲好快醒﹐有啲就愈踩愈深啫。我有啲 Friend 仲開咗間鋪俾個女仔做老闆添﹐真係投入呀﹗

小子﹕多謝你解釋呀﹐宜家我知乜嘢叫沉船喇﹐第時上討論區起碼都答到嗲吖

一點紅﹕你仲上啲鹹網﹖我話俾你阿媽聽﹗

小子﹕你敢﹖我話俾你女朋友知話你沉咗船吖嗱﹗

一點紅﹕我邊有﹖

小子﹕唔駛扮嘢喇﹐通常啲人話“朋友” 其實都係自己架啦﹐如果你未沉過﹐邊噏得出頭先啲理論呀﹖你醒得快啫﹐我諗。

一點紅﹕你等等唔好走住…

小子﹕做乜呢﹖

一點紅(拿出一把1尺長牛肉刀)﹕等我殺咗你滅口呀﹗死仔﹗

by 一點紅@沉睡森林

今天的大陸，處處都是不堪入目的情景．人都像活在垃圾堆中，也沒什麼品味可言．唯有喝茶一樣，似乎是例外的．

以前潮汕人喝重火鐵觀音，現在都改喝單欉．單欉是灌木植物，可以快一點有收成，很符合大陸的國情．

單欉屬水仙類，也是很容易喝的茶，茶味香甜，有獨特香味，味道也很“出”．好一點的“春茶”，香氣持久內儉，甘甜，亦非常耐泡，泡它十五二十次沒問題．香港“茶藝樂園”的迎客茶就是用桂花加單欉，這兩種東西加起來的香氣，是你喝過後所不能忘記的，他們真懂做生意．

以前的人，沒有錢買好茶喝的話，就會在差一點的茶葉裡放些桂花．相信很多人都吃過“桂花榚”吧？那種有點像蜜糖的香氣，很會醉人．雖然加入花朵在茶葉中泡的做法為真正懂茶的人所不肖，但“茶藝樂園”做生意是無可口非的．所以如果你會喝茶的話，你是一定不會喝所謂人參烏龍或菊普的．

說起人參烏龍，很多香港人到羅湖商業城買這種所謂“茶”．請記住，大陸的人參烏龍都是用香精加上不知名的化學品，再混上差得不能再差的茶葉所造成．喝後喉嚨乾渴，口中怪味長留，所以不要喝．台灣好一點的“人參烏龍”是用甘草所製，不好喝，但最少無毒．

好的單欉在香港不是太常見，熊貓都是要到廣州芳村茶城去買．熊貓跟老闆買熟了，他跟我說現在日本人都跑到潮州學製茶，日本人看到大陸人製茶手法的粗製濫造，眼淚都快掉下來，一一慨嘆大陸人的敗家．不過，依熊貓看，製茶的工藝可以由日本人所傳承和改良，是中華文化的褔份，熊貓表示安慰．

如果有看倌想試一試單欉的味道，可以告知熊貓，熊貓免費寄一些給你．

by大熊貓＠沉睡森林

剛看完一齣戲﹐叫『愛情的牙齒』﹐是大陸片來的。當初選這套戲﹐是因為片名吸引﹐看完後覺得還不錯。片中描述女主角(顏丙燕飾演﹐你聽過嗎﹖)的三段愛情﹐由情竇初開﹐到義無反顧﹐再到逐漸麻木﹐表達了三種不同的愛情態度。全片充滿一種淡淡然的感覺﹐加上女主角那個幽怨的眼神﹐我覺得很有性格。但老實說﹐我覺得一般人不會太喜歡這部電影﹐因為節奏很慢﹐亦沒有卡士。

那什麼是『愛情的牙齒』呢﹖原來是想說愛情就如牙齒﹐讓人不可自拔。

真是有興趣又不怕悶可以在這裡找到BT種子 (不是鼓勵非法下載﹐只是香港無戲院上﹐亦無出VCD)﹕http://bbs.btpig.com/viewthread.php?tid=690654

女主角顏丙燕的 Blog 有她對這齣戲的看法﹕http://blog.sina.com.cn/u/48c329c101000d0o

by 落花流水@沉睡森林

記得小時候，每次探訪阿爺，都有茶喝．在老舊的錫茶盤上，放著四個小白瓷杯，和一個小小的紫砂壺．我和弟弟坐在一旁，看著阿爺把一泡熱水，流暢地倒進那個小壺內，只見他用牙籤輕輕往那壺嘴堵幾下，又搖晃幾圈，再往那些小白杯倒出來，茶色是深啡色的．我們搶了下來，往嘴裡一倒．哇，真是苦中有甜，喝了很舒服．

長大了有一段很長的時間沒有喝真正的茶，到後來才慢慢自己泡來喝．

熊貓喜歡喝重火鐵觀音，是最正宗的潮汕功夫茶．製作重火鐵觀音是很花時間和功夫的．首先要把新造的鐵觀音用炭火焙，把香氣逼出來．因為剛用炭火培過的茶葉火氣太重，喝後又會不適．所以又要用大罐封存起來，若干時間後，又要拿出來再焙，如是者週而復始．有些舊茶，甚至有二三十年的歷史．

好的重火鐵觀音必定耐泡，泡十多次以上是等閒．飲濃重的茶，初入口是苦，但那種甘甜隨後便至，滿口清新．而好的鐵觀音，甘甜至喉嚨，而非只徘徊在舌頭上．重火鐵觀音味道是很特別的，初時喝會有些不慣，但適應過後是會上癮的．

以前中國人做事有心機，可以製作上好的重火鐵觀音．現在大陸甚麼都要“量”，已經沒有多少人造這種茶了．幸運地，中華文化傳承有香港和台灣，在香港還有不錯的重火鐵觀音出售，熊貓會到上環的“林奇苑”買陳年馬榴搣（猴子採）或到九龍城的“茗香茶莊”買“冠軍重火鐵觀音”．論茶底“茗香”稍勝，但以耐泡和好喝度，熊貓還是選擇“林奇苑”．

另外有一個好介紹，在廟街近佐敦有一間叫“雙魚”的茶店，裡面有非常好的重火鐵觀音出售，但價錢就比較貴，不過還是藉得一試．

有次到台灣，買了些“陳年高山烏龍”回來，也是非常不錯的重火茶．台灣茶特點乾淨，沖泡時塵很少，耐泡，好喝，舒服．但缺點是味道單一，層次淺．可能是熊貓對台灣茶的見識少，未知真義也未定．不過以價錢來說（九百港元一斤），也是相當化算的．

一家人在家裡，圍著茶枱，泡一道上好的鐵觀音，閒話一番，是很好的享受．這時候，你會暫時忘記了生活裡面的所有煩憂．當你專心泡茶的時候，看著蒸氣從壺身飄盪出來，心裡面又期待著這泡茶給你的喜悅，時間都要停頓下來．

下次和大家談談今天潮汕人的日常用茶，單欉茶．當中也有好貨色的呢．

by大熊貓＠沉睡森林