最近一位好朋友發比我的E_MAIL想同大家分享下!!!

往↓看：

他：太好了！我期盼的日子終於來臨了！我都等不及了！
她：我可以反悔嗎？
他：不，你甚至想都別想！
她：你愛我嗎？
他：當然！
她：你會背叛我嗎？
他：不會，你怎麼會有這種想法？
她：你可以吻我一下嗎？
他：當然，決不可能只有一下！
她：你有可能打我嗎？
他：永遠不可能！
她：我能相信你嗎？

結婚後:請從下往上看↑一次

都有幾分似丫,對某夫婦!

by 怪人@沉睡森林

前幾日同個男性朋友傾開計，佢講佢女朋友好鍾意喊，小小事都喊餐死，搞到佢都唔知點算。佢就問我，喺咪女仔都鍾意喊，同埋，有咩辦法可以幫幫佢…

咁身為一個女性，喺女性角度嚟講，喊都有好多原因嘅，但至於用咩方法解決，就好視乎個女仔咩原因喊喇。

但我都問過身邊一啲男性朋友及同事，佢地有啲會想盡辦法去哄番個女朋友、有啲就唔理佢，由得佢喊飽為止，有個仲好笑，話大大聲咁同佢講，你好收聲喇，唔喺打你架，我諗佢都喺講笑居多。

喊對於女性嚟講其實好普通，同食餐飯一樣咁簡單，俗語都有講 –{女人喺水做}，有咩咁出奇，問題喺係男性角度會覺得好不知所措，有啲甚至乎會覺得煩添。我自問自己都喺一個好眼淺嘅人，有時候睇報紙見到啲新聞，睇電視有啲劇情好感人，自己都會喊。

人喺一種有血有淚嘅動物，不論男女都會喊，可能男人會收埋，而女人比較鍾意表露出嚟姐，其實冇咩咁大不了。要去諗用咩方法解決，不如諗下因咩事個女朋友要成日喊仲好啦，我諗佢都喺想身邊人留意多啲自己，錫自己多啲，關心多啲自己姐，其實做男人嘅，只要身邊嘅女朋友唔喺咁 {得寸進尺} 嘅話，咪對佢咩都多啲啲，我諗問題應該唔再喺問題啦呵？﹗

by 傻媽媽@沉睡森林

在售票的機器投了四個一元硬幣，四個硬幣像是不用消化的迅速通過了機器的食道、胃、小腸和大腸，最後排泄出一張還熱的車票。  要不然今天八達通來的儲值已經用完，我也不會使用這部無人理會的機器，更加不會發現它是這麼的有趣。暖暖的車票也令人感覺十分有人情味。

今天，有誰不會用八達通？誰還會用這部費時的機器？這部輕鐵站的售票機器，曾經也是我們每次乘車必須使用的東西，大家都為了它而爭先恐後。在那時，它就是主角，每人都會投各式各樣的硬幣進行，出票處那暖暖的車票，像是裡面真的有一個工作人員的餘溫，每天在裡面勤勤懇懇地為我們服務也毫無怨言。清晰的指示板直挺挺地貼著機器，使我們不會使用錯誤。從前的我，每天也會在校服的裙袋裡掏出硬幣投進它的大口裡，投進後會發出「噹啷噹啷」的聲音，十分有趣。但是誰也遺忘了這部辛勤的機器，大家都喜歡上那部快捷方便不用投錢，即使邊跑邊投錢也可以付錢的高科技機器。售票機器也漸漸被擱在一旁沒人理會。

它的命運是如斯坎坷，寂寂無名的人不可憐。因為他們沒有嘗過什麼叫被人重視、未嘗過被受關注，病了、不開心，也沒有人理會。但曾經被重視的不同，他們嘗過如何被人重視和關注，當大家的注意力都轉移了後，他們又被重視的一群漸漸顯得微不足道起來。由天堂掉落到地獄，才是最令人心痛、最惹人憐惜！

它的存在變成了理所當然的事，誰也沒有注意它、甚至沒有落在它身上的眼光。如要不是八達通沒有了儲值，我也不會對這部已有老化跡象的機器有感覺。這就是殘酷的現實了，隨著日新月異，我們都講求快、狠、準，這部機器一早不合規格，給打進冷宮了。

可是它早已成為我們懷念的東西，現在的八達通機器，實在太冷冰冰沒有人情味了。

by 天馬行凶@沉睡森林

一點紅不嬲都好少睇電視﹐因為多嘢做﹐所以都係睇吓新聞之類。早幾日無聊扭開電視﹐見到三色台播嗰套“再會歡樂今宵” ﹐成班藝員白白痴痴咁係度唔知搞乜春﹖又老土﹐又唔好笑﹐仲播番D陳年片段﹐以為好好睇。真係仆佢個街。

其實宜家D電視節目真係質素差到無人有。有套“金枝慾孽” 彈出咗﹐就嗱嗱林拍番一打一模一樣嘅片﹐每幾個月就拎套出嚟播﹐荒死大家唔覺悶。“一號皇庭” 掂咗﹐就拍夠5套續集。過時過節就整套“流金歲月” 、“創世紀” 、“天地豪情” 、“歲月風雲” ﹐套套一模一樣。總之就係兄弟反目 + 4角戀 + 豪門恩怨 + 身世之謎 + 誤會重重 + 作奸犯科 + 昏迷 + 大團員結局。遊戲節目清一色抄外國﹐跟住每年整番幾個“耀保良” 、“滿東華” 再加個勁歌決賽。超﹗駛乜六嬸做話事人﹖我做都得喇。

點解班友唔可以應真D﹖外國有 Prison Break、Heroes、Lost、ER、Sex in the city﹐香港就乜Q都無﹐真係灰。

另外個台仲悲哀﹐連佢做緊乜劇我都唔知。所以話慣性收視真係令我地無哂選擇。而家又話出高清﹐又有D 42寸嘅LCD電視﹐但係用嚟睇電視真係徙料﹐好彩我部電視可以駁落電腦睇戲先至無咁嬲咋﹗

真係好懷念“大時代” 、“馬場大亨” 、“楚留香” 、“射鵰 (黃日華版) ”

by 一點紅@沉睡森林