上周和一位老死食飯﹐席間老死『呻』話老婆大人非常支持經濟﹐經常去買衫。當然經濟損失在所難免﹐但更大的問題是弄致家中衣櫃爆滿﹐老婆嚷著要搬大屋﹐令我這位老死苦惱異常﹐不知如何自處。

我唯有著老死勸喻老婆﹐衫﹐不是不可以買﹐但買兩件﹐便要丟一件。起碼這樣衣物堆積的速度可以減慢一半﹐實屬不幸中之大幸。

如果大家有很多舊衣物的話﹐不妨考慮捐給舊衣回收團體﹐既可幫人又環保﹐一舉數得﹗

By 瑪莎拉蒂@沉睡森林

97年回歸之後﹐拜偉大祖國所賜﹐香港人嘅生活裡面大量湧現新嘅詞彙。好似『打造』﹑『板塊』﹑『業績亮麗』﹑『政策出台』﹑『到位』等等﹐數之不盡﹐而且日日新鮮。今日想同大家討論吓嘅就係『比較』喱個詞語。

你可能會諗﹕唔係喎﹗『比較』喱個詞語不嬲都有㗎啦﹐唔好乘機屈大陸喎﹗的而且確﹐『比較』唔係一個新詞﹐但係『比較』今時今日嘅用法係唔同古時嘅﹐請留意以下例子﹕

例子(一) (股票行門口)
陳師奶﹕喂﹐李師奶﹐你覺得買5號仔定係941好D呀﹖
李師奶﹕梗係941啦﹗因為業務比較穩定D﹐而且現金流比較強﹐派息率比較高﹐PE比較低。

例子(二)(電視廣告 - 關於食物標籤﹐近排日日都有播)
旁白﹕我地揀食物嘅時候要選擇比較低糖﹑比較低脂﹑比較低鹽嘅食物呀﹗

例子(三) (大陸飯局)
黃總﹕周局長﹐這兒的魚翅可以嗎﹖
周局長﹕比較好。
黃總﹕那麼﹐等一下我們去夜總會好嗎﹖
周局長﹕比較好。
黃總﹕嘻嘻﹐我們公司的稅務安排就得靠周局長你了。
周局長﹕那個比較好辦﹐你放心就是了。

例子(一) 係好typical嘅用法。李師奶係比較緊兩隻股票嘅分別﹐所以用『比較』喱個詞語係正確嘅。而例子(二)就麻麻地﹐因為係個廣告裡面其實無講到比較緊D乜﹐所謂『比較低糖』究竟係點解呢﹖每100ml含16g算唔算低呢﹖如果有兩罐汽水﹐一罐每100ml含16g糖﹐另一罐含12g糖﹐係咪我地就應該揀『比較低糖』嗰罐呢﹖(註﹕其實兩罐含糖都過高﹗) 。估唔到而家政府嘅宣傳片質數咁低﹐真係好多謝偉大祖國嘅薰陶﹗例子(三) 就更絕﹐條友無論講乜都加『比較』喱兩個字。喱個用法可以講係空洞無物﹐佢根本就唔係比較緊兩樣嘢﹗其實周局長只要講個『好』字就得﹐唔駛扮晒有禮貌。大家唔好笑﹐例子(三) 嘅用法係大陸非常普及﹐起碼有90%嘅大陸人係咁講嘢嘅﹐問你死未﹖

咁查實點解班大陸佬會咁講嘢嘅呢﹖原理好簡單﹐就係虛偽。點解呢﹖你試諗吓以下嘅對白﹐如果無咗『比較』喱兩個字會變成點﹖

黃總﹕聽說你的二奶很漂亮啊﹗
周局長﹕(自豪地)這個嘛﹐比較好啦。
黃總﹕好像只有17歲﹐是吧﹖
周局長﹕(更自豪地) 哈哈﹐是比較年輕啦。
黃總﹕有空借我玩玩可以嗎﹖
周局長﹕(乾笑)這個嘛﹐比較…比較…

好多大陸人為咗扮謙虛﹐於是就搬出『比較』喱兩個字。佢地覺得『比較好』無『好』咁直接﹐如果成日咁 definite 咁講嘢會好囂﹐所以就乜都加『比較』﹐久而久之就成為習慣。但係我哋知到喱個用法係錯嘅﹐因為如果你無兩個 Object 去Compare﹐咁就唔應該講比較。費事教壞細路。

而家係香港成日聽人講『比較乜』﹑『比較物』﹐真係哽耳。

by 一點紅@沉睡森林

基於環保原因﹐愈來愈多人自備環保購物袋﹐購物時向膠袋說『不』﹐這是很好的公民意識﹐我非常欣賞這些人。政府將推出『膠袋稅』﹐強制性地向每個使用膠袋的人仕徵收費用﹐一方面可以推動環保意識﹐另一方面可以增加庫房收入﹐一石二鳥。

瑪莎拉蒂雖然支持﹐卻不認同這個做法﹐原因有三﹕

膠袋稅每個盛惠5毫子。在現今社會來看﹐5毫子 = 半粒魚蛋﹐真是少得可憐。有多少人會為了5毫子而少拿一個膠袋呢﹖我不清楚﹐但至少我不會。而會為了5毫子而少拿一個膠袋的是什麼人呢﹖一是本身支持環保的人仕﹐這些人就算無膠袋稅也是不會拿膠袋的。另一些是低收入家庭的主婦﹐為了慳家﹐少付5毫子﹐自備環保購物袋。如果碰巧忘了自己帶環保購物袋﹐則會為了要多付5毫子而悶悶不樂。

膠袋稅政策只是令低下層的市民造成不便﹐而並沒有根治濫用膠袋的現象﹐為什麼呢﹖答案很簡單﹐因為膠袋實在太好用。

是的﹐膠袋的誕生為全世界帶來了非常大的方便。而因為其成本低﹑耐用﹑防水﹑輕便﹐因此用途非常廣泛。政府要大家放棄使用有如此多優點的膠袋是不可能的﹐因為膠袋無可代替﹗試想想﹐你去街市買魚﹐不用膠袋可以用什麼﹖屋企煲湯後的湯渣不放進垃圾膠袋可以放邊﹖小朋友瀨屎後的屎片不丟在膠袋難道放在環保袋﹖

事實上是因為我們沒有 alternative所以才會用膠袋。政府在鼓勵市民少用膠袋的同時﹐應該提供一個代替品﹐這樣才是好的政策。好例子有政府大力推動電能汽車﹐提出大量補貼﹐籍以減少廢氣排放量。政府應該著手與業界研究﹐尋找一種既環保﹐又多功能的袋(例如內塗防水物料的紙袋)﹐然後大力宣傳﹐為製造及使用的企業提供優惠。如果以後惠康百佳七仔OK只提供防水紙袋﹐市面上膠袋已可減少百份之五十。

還有﹐在政府推出『膠袋稅』的同時﹐有沒有為業界設想一下呢﹖我有個世叔伯是經營膠袋廠的﹐金融海嘯已經令他得番半條命﹐將來膠袋稅一出﹐他便可能要摺埋﹐實屬可悲。

你可以想像一個沒有膠袋的世界嗎﹖Sorry﹐我唔得﹗

(註﹕全球每年使用五千億個膠袋)

by瑪莎拉蒂@沉睡森林